Беларускі бізнэсовец Сяргей Атрошчанка памёр 19 чэрвеня ад цяжкага анкалагічнага захворвання, піша Smartpress.by.
Больш за ўсё Атрошчанка вядомы як заснавальнік брэнда ніжняй бялізны Serge і газеты «Обозреватель».
Ён нарадзіўся ў 1970 годзе ў Мінску. Зарабляць будучы бізнэсмен вучыўся яшчэ ў дзяцінстве. У адным з інтэрв'ю ён расказваў, як у 10 гадоў рэзаў лазу і «здаваў яе на Мазырскую фабрыку». «Прынёс тысячу такіх дубчыкаў — атрымай 4 рублі 50 капеек», — казаў ён.
У 21 год (адразу пасля развалу СССР) зарэгістраваўся як індывідуальны прадпрымальнік і пачаў бізнэс з вырабу трусіных скурак, пашыву і гандлю на Старажоўскім рынку ў Мінску футравымі шапкамі і футрамі.
У 1996 годзе запусціў вытворчасць бялізны. Кампанія Serge хутка развівалася: пачаўшы з 15 швейных машынак і столькіх жа швачак, вырасла да штату ў 700 чалавек. З'явіліся крамы па ўсёй Беларусі, затым у СНД і нават у асобных краінах Еўропы.
Паралельна Атрошчанка выкупіў газету «Свободные новості». Пазней заснаваў выданне «Обозреватель».
Цяпер чытаюць
Малады работнік «Мінск-Арэны» павінен заплаціць 71 мільён даляраў3
Каментары