Вадаёмы Беларусі гэтай вясной рэкордна абмялелі. Напрыклад, у Брэсцкай вобласці не сфармавалася вясновае разводдзе. Прыпяць ужо паводзіць сябе не так, як звычайна — упершыню за некалькі дзясяткаў гадоў вясной не выйшла з берагоў, піша «Медыя-Палессе».
Летняя засуха, сухая восень, бясснежная зіма і сціплая на ападкі вясна — усё гэта прывяло да маштабнага абмялення. У гаспадарцы вымушана перайшлі на зберагальны метад вырошчвання рыбы. Што гэта азначае? Аб’ём вады ў сажалках знізілі да крытычных 80%. Падключылі помпы, каб перакачваць ваду з самай ніжняй кропкі гаспадаркі, беручы на сябе дадатковыя выдаткі па электраэнергіі. Самая экстрэмальная мера — апусцелі чатыры сажалкі. Гэта быў адзіны шанец, каб да нармальнай адзнакі напоўніць суседнія вадаёмы.
Сёлета рэкі Брэсцкай вобласці пазбавіліся вясновага разводдзя — за зіму выпала толькі палова ад кліматычнай нормы ападкаў, вясновы сцёк чакаецца самым нізкім за апошнія 20 гадоў.
Асушанае Палессе ў тым ліку засталося без вады.
Водны крызіс закрануў рыбныя гаспадаркі краіны.
— Мы назіраем рэальную засуху, — тлумачыць загадчык лабараторыі аптымізацыі экасістэм Палескага аграрна-экалагічнага інстытута НАН Беларусі Віктар Дамянчык. — Засуха прывяла, напрыклад, да таго, што буйныя жывёлы аказаліся ў недахопе кармавой базы, таму яны наблізіліся да населеных пунктаў. Напрыклад, лісы, янотападобныя сабакі. З-за недахопу вільгаці гэты сезон будзе выпрабаваннем для нашай занаальнай прыроды.
Калі сухое надвор’е захаваецца, узроўні вады ў рэках дасягнуць мінімальных адзнак за ўсю гісторыю гідралагічных метэаназіранняў, прагназуюць эксперты.
Цяпер чытаюць
Як склаўся лёс Яны Пачыцкай — дзяўчыны, якую затрымлівалі разам з Канавалавым і Кавалёвым па справе аб тэракце ў метро5
Каментары
И велит дать дождя!
A jašče mahčyma, što heta praz uzarvanuju Kachoūskuju HES... Vializnaje vadaschovišča znikla, a jano padtrymlivala ūzroviaņ heuntovaj vady na vializnaj adliehlasci uzdoūž Dniapra i prytokaū...
Što skažuc` abaznanyja navukoūcy, jakich tut plojma... ?