«Ozon Беларусь» паведаміў, што запусціў для купцоў паслугу постаплаты. Цяпер жыхары краіны могуць аплачваць большасць тавараў катэгорыі Fashion пасля іх прымеркі ў пунктах выдачы заказаў Ozon, піша Blizko.by.
Постаплата ўжо даступная жыхарам Беларусі і дзейнічае пры заказе тавараў у пункты выдачы Ozon.
Новая паслуга распаўсюджваецца на тавары са спецыяльнай пазнакай «Аплата пры атрыманні» і ахоплівае да 80% асартыменту катэгорыі Fashion, уключаючы адзенне, абутак і некаторыя аксэсуары: галаўныя ўборы, пальчаткі, рамяні, гальштукі, жаночыя сумкі, мужчынскія клатчы і іншыя тавары. Усяго постаплата распаўсюджваецца на больш за 15 мільёнаў тавараў.
Каб скарыстацца з постаплаты, пры афармленні заказу жыхарам Беларусі трэба выбраць спосаб аплаты «Аплаціць пасля атрымання» і пазначыць банкаўскую картку: сродкі будуць спісаныя толькі пасля пацвярджэння выкупу тавару ў пункце выдачы Ozon.
Калі ў заказе прысутнічаюць тавары з катэгорыі постаплаты і іншыя тавары, то яны аплачваюцца асобна: кошт тавараў з перадаплатнай сістэмай спішацца адразу, а з пастоплатны — пасля атрымання заказу.
Агульны кошт тавараў, якія можна аплаціць пры атрыманні, залежыць ад гісторыі ўзаемадзеяння купца з маркетплэйсам. Базавы ліміт постаплаты складае 800 рублёў і павялічваецца з кожным выкупленым заказам.
Цяпер чытаюць
Арыштаваны чыноўнік, які мог стаць наступным міністрам аховы здароўя10
Каментары