Румынскі прэм'ер-міністр і лідар Сацыял-дэмакратычнай партыі Румыніі Марчэл Чалаку аб'явіў пра сваю адстаўку на фоне правальных вынікаў першага тура выбараў прэзідэнта для ўзначаленай ім кааліцыі, паведамляе «Еўрапейская праўда».
Пасля пасяджэння кіраўніцтва Сацыял-дэмакратычнай партыі Румыніі Чалаку абвясціў, што ўвечары 5 мая падасць у адстаўку з пасады прэм'ер-міністра. Ён адзначыў, што міністры ягонай партыі абмяркуюць з прадстаўнікамі іншых палітсілаў кааліцыі, ці будуць яны заставацца часовымі членамі ўрада.
Пра магчымасць выхаду сацыял-дэмакратаў з кааліцыі Чалаку заяўляў раней.
«Гэтая кааліцыя не з'яўляецца легітымнай, паколькі яе кандыдат не выйшаў у другі тур», — лічыць кіраўнік урада Румыніі.
Чалаку дадаў, што будучы румынскі прэзідэнт, якога абяруць 18 траўня, «разам з партыямі, якія могуць стварыць большасць у парламенце, вырашыць, хто будзе кіраваць краінай і хто стане прэм'ер-міністрам».
Пасля прыняцця адстаўкі Чалаку выканаўца абавязкаў прэзідэнта Румыніі Іліе Балажан павінен прызначыць часовага прэм'ера. СМІ раней пісалі, што ім можа стаць міністр адукацыі Даніэль Давід.
4 мая ў Румыніі прайшоў першы тур прэзідэнцкіх выбараў, паводле вынікаў якога перамогу атрымаў лідар румынскіх ультраправых Джорджэ Сіміён, які набраў 40,94%. Ліберальны мэр Бухарэста Нікушар Дан, які заняў другое месца, мае 20,99%.
Ультраправы палітык перамог у першым туры перавыбараў у Румыніі. У яго ажно 41%
Выбары ў Румыніі: у першым туры лідзіруе кандыдат-нацыяналіст
У Румыніі зноў праходзяць прэзідэнцкія выбары. Першая спроба не ўдалася з-за падазрэнняў аб расійскім умяшанні
На выбарах у Румыніі за выхад у другі тур змагаюцца нацыяналіст, ліберал і кансерватар
Цяпер чытаюць
З праекта будаўніцтва мінскага метро выкінулі яшчэ дзве станцыі — «Кіеўскі сквер» і «Політэхнічную»5
Каментары