Урад Аргенціны рассакрэціць дакументы пра нацыстаў, якія хаваліся ў краіне пасля Другой сусветнай вайны
Прэзідэнт Аргенціны Хаўер Мілей даручыў ураду рассакрэціць дакументы аб нацыстах, якія знайшлі прытулак у краіне пасля заканчэння Другой сусветнай вайны. Пра гэта са спасылкай на кіраўніка Кабміна Гільерма Франкаса піша выданне La Nacion.
Па словах Франкаса, Мілей даручыў апублікаваць усе наяўныя дакументы, «паколькі няма ніякіх прычын хаваць інфармацыю».
У інтэрв'ю DNews ён удакладніў, што сярод дакументаў, пра якія ідзе гаворка, ёсць таксама звесткі аб фінансавых аперацыях прадстаўнікоў Трэцяга рэйха, распавядае The Insider.
Абнародаванне дакументаў стала адказам на просьбу сенатара ЗША Стыва Дэйнса — ён выступае за публікацыю ўсёй інфармацыі пра час, калі нацысты прыехалі ў Аргенціну ў пошуках прытулку.
У Аргенціне і іншых краінах схаваліся да 10 тысяч нацыстаў і ваенных злачынцаў. У Аргенціну беглі каля пяці тысяч, сярод якіх былі «архітэктар» Халакоста Адольф Эйхман і былы лекар Асвенцыма Ёзэф Менгеле.
24 сакавіка стала вядома, што ў Нацыянальны архіў файлаў перададуць дакументы, якія тычацца дзеянняў узброеных сіл падчас апошняй ваеннай дыктатуры 1976-1983 гадоў. Прэс-сакратар прэзідэнта Аргенціны Мануэль Адорні напісаў, што ўрад хоча выкарыстоўваць гэтыя архівы «як сродак памяці, а не сродак палітычных маніпуляцый».
Цяпер чытаюць
Галоўным спікерам Жаночага форуму ў Мінску стане расійскі крынджовы псіхолаг, які расказваў пра «памяць жаночых палавых губ»1
Каментары
Boļš cikavyja buduc` dakumanty, archivy, samyja važnyja z ich, jakija biezumoūna nie byli pakinuty kaalicyi. Cieraz ich mahčyma bylo b daviedacca ab kantaktach Bierlina i Maskvy 1938 - 1940 hadoū. Bo archiū VAV jašče 100 hadoū budzie začynieny, a moža i boliej, poki nia zdochnie apošni neabaļšavik,.. dy i padčyščana tam užo ūsio...