У беларускага дальнабойшчыка ў Польшчы канфіскавалі больш за 7 мільёнаў цыгарэт
У Польшчы на мяжы з Германіяй памежнікі спынілі для праверкі фуру, за рулём якой быў 29-гадовы беларус. Агледзеўшы прычэп, яны выявілі ў ім больш за 7 млн нелегальна вырабленых цыгарэт рынкавым коштам каля 8 мільёнаў злотых (каля 2 мільёнаў даляраў), піша Most.
Падчас далейшага расследавання польскія праваахоўнікі правялі ператрусы некалькіх аб'ектаў нерухомасці. Там яны выявілі прылады і абсталяванне для нелегальнай вытворчасці тытунёвых вырабаў: здрабняльнік тытуню, барабан для перапрацоўкі тытунёвага лісця, а таксама камплектуючыя для вытворчасці цыгарэт. Акрамя таго, яны канфіскавалі амаль 11 тон тытуню і пустыя пачкі з брэндамі вядомых тытунёвых кампаній.
Паводле папярэдніх разлікаў, калі б нелегальны тавар паступіў у продаж, польскі бюджэт недаатрымаў бы больш чым 20 мільёнаў злотых (каля 5 мільёнаў даляраў).
Беларусу выставілі абвінавачванні, яго арыштавалі тэрмінам на тры месяцы. Цяпер следства высвятляе ягоную магчымую сувязь з арганізаванай злачыннай групай, якая займаецца ценявой вытворчасцю і распаўсюджваннем цыгарэт.
Калі падазрэнні пацвердзяцца, мужчыну можа пагражаць да васьмі гадоў пазбаўлення волі.
Цяпер чытаюць
Загінуў былы палітвязень Аляксей Ляўкевіч. Яго вызвалілі тры месяцы таму пасля візіту Коўла1
Загінуў былы палітвязень Аляксей Ляўкевіч. Яго вызвалілі тры месяцы таму пасля візіту Коўла
Пасол Украіны па пытаннях Беларусі адказаў на дыскусію Вячоркі і крытыкаў Ціханоўскай: Ваша ўзаемная непрымальнасць адыгрывае вельмі неканструктыўную ролю3535
Каментары