Паводле экзітполаў, праведзеных на выхадзе з выбарчых участкаў, на датэрміновых выбарах у Бундэстаг траціну галасоў выбаршчыкаў набірае блок ХДС/ХСС. На другім месцы — «Альтэрнатыва для Германіі»
Пра тое, што на выбарах лідзіруе блок ХДС/ХСС, паведамляюць тэлеканалы ARD і ZDF, спасылаючыся на вынікі экзітполаў, праведзеных 23 лютага.
Паводле ARD, за блок ХДС/ХСС прагаласавалі 29% выбаршчыкаў, а ZDF ацэньвае іх падтрымку ў 28,5%.
На другім месцы размясцілася ўльтраправая «Альтэрнатыва для Германіі» (AfD), якая атрымлівае ад 19,5% да 20% галасоў. Гэта значна менш таго, на што разлічвала партыя.
Згодна з экзітполамі, у парламент таксама праходзяць:
- Сацыял-дэмакратычная партыя Германіі (SPD) — ад 16% да 16,5%
- Саюз 90 / Зялёныя (Grüne) — ад 12% да 13,5%
- Левая партыя (Die Linke) — ад 8,5% да 9%
Каб атрымаць прадстаўніцтва ў Бундэстагу, партыі павінны набраць не менш за 5% галасоў.
Паводле прагнозу тэлеканала ARD, прарасійскі «Саюз Сары Вагенкнехт» і СвДП не праходзяць у Бундэстаг.
Канчатковыя вынікі будуць апублікаваныя пасля афіцыйнага падліку галасоў.
Каментары
Правал левай Сары Вагенкнехт і Свдемакратаў прыемная навіна
У Св Д пасля абьяднання увайшлі парціі гдр без люстрацыі)))
Раніцай даведаемся..2х ці 3 х парційная кааліцыя .