Міністр абароны Нямеччыны: Лепш бы ЗША не ішлі на саступкі да пачатку перамоў
Міністр абароны Нямеччыны Барыс Пісторыус, каментуючы тэлефонныя перамовы прэзідэнта ЗША Дональда Трампа з Уладзімірам Пуціным, заявіў, што Еўропа таксама павінна ўдзельнічаць у гэтых працэсах, а Пуцін павінен паказаць, што сур'ёзна настроены на мірныя перамовы, піша The Guardian.
Пісторыус кажа, што Еўропа павінна быць уцягнутая ў перамовы, асабліва калі Трамп чакае, што еўрапейскія саюзнікі будуць адыгрываць міратворчую ролю ў будучай дамоўленасці.
Акрамя таго, паводле яго слоў, калі Пуцін сур'ёзна настроены на мірныя перамовы, ён павінен паказаць гэта, прыпыніўшы атакі на Украіну.
Пісторыус лічыць, што «было б лепш, калі б ЗША не ішлі на саступкі Расіі яшчэ да пачатку перамоў». «На мой погляд, за сталом перамоў лепш было б гаварыць пра магчымае сяброўства Украіны ў NATO або аб магчымай страце тэрыторыі», — сказаў Пісторыус.
На думку кіраўніка нямецкага абароннага ведамства, хуткае мірнае пагадненне не абавязкова вырашыць усе занепакоенасці адносна палітыкі Расіі ў рэгіёне.
Ён папярэджвае, што еўрапейцы не змогуць проста «сядзець склаўшы рукі і расслабіцца». Таксама ён перасцерагае ад празмерна радаснай рэакцыі на паведамленні пра мірныя перамовы, паколькі «Пуцін працягвае правакаваць Еўропу і застаецца пагрозай».
Цяпер чытаюць
На канверце Ціханоўскай напісана «Медведю О.В.» Што гэта за чалавек?11
На канверце Ціханоўскай напісана «Медведю О.В.» Што гэта за чалавек?
Хрыста Грозеў: ад рамантыка-радыёаматара да чалавека, які выкрыў самыя змрочныя таямніцы ГРУ і ФСБ. Як яго вербавала спецслужба Люксембурга і як ён вымушаны хавацца цяпер
Каментары
Мы памятаем