Жахлівая гісторыя ў «Мінск-Свеце»: сабака на двары напароўся на шампур, гаспадыня лічыць, што яго ўваткнулі наўмысна
Звычайная прагулка з сабакам па «Мінск-Свеце» ледзь не скончылася трагедыяй для коргі па мянушцы Мята. Сабака напароўся на шампур для шашлыкоў, які тырчаў з зямлі.
Гаспадыня сабакі Алеся расказала, што ўсё адбылося ў ноч з 4 на 5 лютага побач з домам «Танга», размешчаным па вуліцы Брылеўскай.
Муж Алесі перад сном выгульваў Мяту, і ў нейкі момант коргі наткнулася на металічны стрыжань, піша «Анлайнер».
«Сабака напароўся на загнуты, завостраны шампур, які тырчаў з зямлі на тым маршруце, дзе ён увесь час гуляе. Прычым загнутым канцом уверх, як быццам пад яго рост. Калі б сабака быў вышэйшым, ён зусім інакш бы на яго напароўся, а Мята насадзілася цалкам. Як кавалак мяса», — расказала Алеся.
За жыццё сабакі дактары змагаліся цэлую ноч.
«Цяпер, дзякуй богу, яна дома. Мята цудам не прапарола сабе ўнутраныя органы (шампур выйшаў вонкі паміж анальнай адтулінай і похвай), таму яе жыццю нічога не пагражае, але ўсё магло завяршыцца зусім інакш», — лічыць Алеся.
Пра здарэнне гаспадыня расказала ў мясцовых чатах і напісала заяву ў міліцыю. Алеся лічыць, што тое, што адбылося, не выпадковасць і шампур вастрыём уверх маглі паставіць наўмысна.
«Ветэрынары таксама сказалі, што, калі б шампур проста ляжаў на зямлі, сабака так на яго не насадзіўся б», — тлумачыць Алеся.
Пры гэтым гаспадыня коргі ўдакладняе, што праз сабаку ні з кім з мясцовых жыхароў у яе канфліктаў не было.
«Пра гэта ў нас у міліцыі таксама спыталі, але праблем ні з кім не было. Проста, мабыць, ёсць неадэкватны чалавек, каму падобнае дастаўляе задавальненне. Быў ужо і іншы выпадак, калі ў тым жа раёне мы ледзь не трапілі на прынаду тыпу «вожык», — кажа Алеся.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі13
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4040
Каментары