Бот Беларускага Гаюна быў узламаны. Хто туды пісаў — пад пагрозай
Адбыўся незаконны доступ да бота маніторынгавай групы «Беларускі Гаюн».
«У выніку несанкцыянаванага ўваходу сёння раніцай быў атрыманы доступ да чату з ботам Гаюна, куды збіралася інфармацыя ад людзей. Мы не ведаем, які аб'ём дадзеных мог быць выгружаны за той час, пакуль у старонняга акаўнта быў доступ», — паведаміў Антон Матолька ў сваім тэлеграм-канале.
У гэтай сітуацыі спрацавала чалавечая памылка, і «гэтая памылка была маёй», напісаў Антон Матолька.
«Калі вы дасылалі інфармацыю, якая можа вас ідэнтыфікаваць, або пісалі з акаўнтаў, якія могуць вас ідэнтыфікаваць, вы пад пагрозай. Таксама настойліва рэкамендуем усім, хто карыстаецца акаўнтам у тэлеграме працяглы перыяд, выдаліць яго і стварыць новы, і рэкамендуецца так рабіць хоць бы раз у год. У дадзены момант крытычныя ўразлівасці выпраўленыя, але я разумею, што, на жаль, мы не змаглі цалкам абараніць людзей», — паведамляе Антон Матолька.
Пазней блогер у сваім тэлеграм-канале патлумачыў, што адбылося.
«1. Уваход у чат з ботам адбыўся па старой спасылцы, створанай 2 сакавіка 2022 года.
На жаль, у гэты момант у наладах чата не была ўключаная функцыя» схаваць паведамленні для новых карыстальнікаў». Калі б яна была ўключаная — ніякага доступу ў ГУБАЗіКа не было.
3. Чалавек, якога яны [ГУБАЗіК] паказваюць на скрыншотах, не меў ніякіх доступаў са студзеня 2023 года».
«Пасля ўваходу ў чат сёння ноччу была зроблена выгрузка гісторыі чата. Мы не ведаем, ці паспелі яны выгрузіць фота і відэа, але лепш прытрымлівацца горшага сцэнара», — дадаў ён пазней.
Беларускі Гаюн — маніторынгавы OSINT-праект, які адсочвае ваенную актыўнасць расійскіх і беларускіх войскаў. Маніторынгавая група была створаная перад пачаткам расійска-ўкраінскай вайны актывістам Антонам Матолькам.
Цяпер чытаюць
Лукашэнку пасадзілі на Парадзе ў Маскве з Пашынянам, а Сі Цзіньпіна з Пуціным15
Лукашэнку пасадзілі на Парадзе ў Маскве з Пашынянам, а Сі Цзіньпіна з Пуціным
«Можа, баяўся заставацца ў шлюбе са мной, бо працуе на БТ». Настаўніца, якая з'ехала праз даносы Бондаравай, распавяла пра развод і жыццё ў эміграцыі1515
Каментары
Присылали бы тебе люди на протон емайл информацию с включенным впн и беды для людей нет.
Какие же вы все …
Вот что гранты делают