Вынікі новага даследавання звязваюць тэмпературу ў памяшканні з кагнітыўнымі здольнасцямі пажылых людзей.
Як піша Medical Express, новае даследаванне паказала, што тэмпература ў памяшканні аказвае значны ўплыў на кагнітыўныя здольнасці пажылых людзей. Гэтае адкрыццё таксама падкрэслівае магчымыя рызыкі для здароўя мозгу, звязаныя са зменай клімату.
У рамках назіральнага даследавання пад назвай «Хатняя тэмпература і ўвага ў пажылых людзей» вучоныя на працягу года назіралі за 47 удзельнікамі ад 65 гадоў і старэйшымі. Даследаванне фіксавала тэмпературу ў іх дамах і самаацэнку праблем з канцэнтрацыяй увагі. Вынікі былі апублікаваныя ў Journal of Gerontology.
Навукоўцы з Інстытута даследаванняў старэння Хінды і Артура Маркусаў, звязанага з Гарвардскай медыцынскай школай, устанавілі, што пажылыя людзі лепш спраўляюцца з задачамі, якія патрабуюць канцэнтрацыі, калі тэмпература ў іх дамах знаходзіцца ў дыяпазоне 20-24°C.
Імавернасць узнікнення цяжкасцяў з увагай павялічваецца ўдвая, калі тэмпература выходзіць за гэтыя рамкі на 4°C. Пры гэтым не важна, адбываецца гэта ў бок павышэння ці паніжэння.
Аўтары акцэнтуюць увагу на тым, што найболей уразлівыя да такіх змен людзі з нізкім даходам, бо ў іх часта няма рэсурсаў для рэгулявання тэмпературы ў дамах.
Даследаванне звяртае ўвагу на неабходнасць карэкцыі жыллёвай палітыкі, у якой прыярытэтам павінна стаць стварэнне ўмоў, якія абароняць пажылых людзей ад перападаў тэмпературы. З ростам глабальнай тэмпературы і павелічэннем долі пажылых людзей гэта з'яўляецца ключавым фактарам захавання кагнітыўных здольнасцяў насельніцтва планеты.
Рашэннем можа быць павышэнне энергаэфектыўнасці жылля, інтэграцыя тэхналогій «разумнага дома» для аптымізацыі тэмпературы ў памяшканні і пашырэнне доступу жыхароў да сістэм ахалоджвання.
У міліцэйскім конкурсе прыгажосці перамагла амапаўка, якая ў 2020 годе разганяла пратэсты49
Каментары