Сала па 35 рублёў, шмат садавіны і навагодніх тавараў. Якія цэны на Камароўцы перад святамі?
Да навагодніх святаў застаецца ўжо няшмат. Журналісты выдання Blizko.by наведалі галоўны рынак Мінска і даведаліся, па якіх цэнах прадаюць хадавыя тавары, які асартымент і як упрыгожылі Камароўку.
У Мінску на Камароўцы ўжо пануе навагодняя атмасфера. Розная ілюмінацыя на ўсю моц ззяе на рынку. Каля галоўнага ўваходу красуецца вялікая елка, велізарная іх колькасць, але ўжо ў разы меншых, ёсць і ў крытым памяшканні Камароўкі.
Таксама тут размясціліся адразу некалькі навагодніх інсталяцый. Галоўная з іх — у самым цэнтры. Але якія ж цэны на хадавыя тавары на рынку перад навагоднімі святамі?
Журналісты наведалі рынак у пятніцу зранку. Народу хапала, як і прадаўцоў, кожны з якіх дакучліва прапануе свае «самыя шыкоўныя мандарыны».
Што да цэнаў, то варта пачаць з гародніны.
Морква каштуе 1-4 рублі, а вось буракі ў сярэднім — 4, бульба — 1-3, цыбуля — 1,56-4, капуста — 1,19-2,8, рэдзька — 1,49,часнык — 12-23, 9, перац — 5,9-15,5.
Што тычыцца таматаў, то на Камароўцы выбар прыстойны. Ёсць і беларускія, і імпартныя. Самыя танныя знайшлі за 5,9 рубля за кілаграм. У сярэднім яны каштуюць 6-10 рублёў, чэры 7-30, азербайджанскія — 10-15.
Агуркоў няшмат, але ёсць кароткаплодныя па 8,8 рубля за кілаграм. Дарэчы, у краме іх практычна не знайсці. Доўгія агуркі каштуюць 7-8 рублёў за кілаграм.
Баклажаны можна купіць за 8 рублёў за кілаграм, а цукіні ўжо па 7-10,5 рубля.
На зеляніну цэны такія: салата ліставая — 2,5 рубля за 100 грамаў, салата айсберг — 1, рамен — 1,5, шпінат — 3,5, кінза — 4,5, цыбуля — 1. Салера каштуе 6,9 рубля за кілаграм.
Грыбы вешанкі каштуюць 10 рублёў за кілаграм, а шампіньёны — 8-10.
Садавіны таксама някепскі выбар. Ківі каштуюць 5-35 рубля за кілаграм, апельсіны — 6,5-10, айва — 11, грушы — 6,9-9,9, лімоны — 4-8.
Добры выбар і самай навагодняй садавіны — мандарынаў. Ёсць і без костачкі, і з лісточкамі, і самыя звычайныя. Яны каштуюць 4,9-12 рублёў у сярэднім, а вось гранаты — 6,9-14.
Авакада прадаюць паштучна, іх кошт — 6-7 рублёў за штуку. Гэта дорага, бо ў крамах ёсць па 10 рублёў за кілаграм.
З'явілася і фейхоа, яна каштуе 9-10 рублёў.
Што тычыцца яблыкаў, то самы неліквід каштуе ўсяго адзін рубель. Сярэдняя цана — 3 рублі за кілаграм.
Хурма прадаецца за 3,9-14,9 за кілаграм.
Вінаград у сярэднім каштуе 4,9-15 рублёў. Папулярны Shine Muscat вам прададуць за 18,9-28,9.
Што цікавае ў іншых аддзелах рынка?
Напрыклад, сала каштуе дарагавата — 21,5-34 рублі за кілаграм, фермерскія каўбасы — па 60 рублёў за кілаграм. Розныя сыравяленыя і сыравэнджаныя вырабы — 20-50 рублёў.
Выбар тут, вядома, большы, чым у супермаркеце, аднак у звычайных крамах цэны на многія каўбасы ніжэйшыя.
Цэны на мяса такія. Свіная шыя каштуе ў сярэднім па рынку 22 рублі за кілаграм, паляндвіца — 17-20, выразка — 20-23, разруб — 9,5, кумпяк — 9,5-12.
Ёсць таксама бараніна і ялавічына, але толькі ў некаторых прадаўцоў.
Цэны на курыцу такія. Філе будзе каштаваць 10-12 рублёў, кумпячок — 8-9, ножка — 6-7. Курыныя яйкі аддаюць па 2,9-4 за дзясятак.
Добры выбар і сыроў. Цана на беларускі сыр пачынаецца ад 14 рублёў за кілаграм. У сярэднім ён каштуе да 25 рублёў. Больш дарагія сыры каштуюць 30-50 рублёў за кілаграм, самыя далікатныя віды — 100-250.
Вялікі выбар і тартоў. Іх можна купіць у сярэднім за 10-30 рублёў. Цэны залежаць ад грамоўкі і выгляду прадукта. Але многія з іх выглядалі вельмі свежа і апетытна. Вось за тартамі на Камароўку проста патрэбна ехаць.
На сезонным рынку таксама разгарнуўся гандаль, але тут страх як холадна.
Тут можна купіць такую прадукцыю, як грыбы, саленні, жывую рыбу, гарбузы, арэхі, а таксама навагоднія тавары.
Напрыклад, капуста і салёныя агуркі каштуюць 10 рублёў за кілаграм, часнок — 25. Гарбуз прадаецца па 3 рублі за кілаграм. Грэцкія арэхі каштуюць 10-20 рублёў за кілаграм, розныя сухафрукты — 7-30.
Жывую рыбу прадаюць па такіх цэнах: амур — 8,5 рубля за кілаграм, таўсталобік — 4,5-6,5, бесцер (асятровыя) — амаль 33 рублі.
У многіх месцах, дзе быў сезонны гандаль, цяпер пустэча. У адным з радоў прадаюць семкі. Мабыць, добра такі змерзлы прадавец гучна клікаў купляць тавар: «Семкі для сябе і птушак, падыходзьце і выбірайце».
На некаторых радах таксама разгарнуўся навагодні гандаль. Тут вялікі выбар.
Да 5 рублёў можна купіць бірулькі, налепкі, статуэткі, календары, бенгальскія агні, хлапушкі, некаторыя наборы пластмасавых цацак, свечкі. Паштучна пластмасавыя цацкі прадаюць ад 40 капеек, шкляныя каштуюць нашмат даражэй — 20-50 рублёў у сярэднім. Святлодыёдныя гірлянды каштуюць 15-60 рублёў. Ёсць і вельмі доўгія — па 200 рублёў.
У суботу ў Мінску адкрыецца першы елачны базар
У Мінгарвыканкаме расказалі, дзе можна будзе сустрэць Новы год у Мінску
Як зрабіць так, каб ваша ялінка была ярчэйшая, чым у суседа
«Камунарка» паказала свой адвэнт-каляндар і атрымала хвалю крытыкі
У мінскіх гандлёвых цэнтрах і кавярнях цяпер не будуць уключаць сусветныя навагоднія хіты. Затое даюць зарабіць праўладным артыстам
Цяпер чытаюць
Стала вядомае імя другой беларускі, якая згінула пад селем у Непале. Гэта 24‑гадовая Ірына з журфака БДУ7
Стала вядомае імя другой беларускі, якая згінула пад селем у Непале. Гэта 24‑гадовая Ірына з журфака БДУ
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну66
Каментары