У мінскай краме прадаюць пасылкі, якія згубіліся ў працэсе дастаўкі. Блогерцы папаўся вібратар
Аўтаматы, якія гандлююць недастаўленымі пасылкамі з AliExpress, у Еўропе карыстаюцца попытам. Цяпер набыць чужую замову можна і ў адной з крам у Мінску.
Гандлюе такімі незвычайнымі таварамі з Кітая крама «На-скидке.бел», якая знаходзіцца ў Мінску ў Серабранцы. Агляд гэтага месца вырашыў запісаць тыкток-блогер, які вядзе акаўнт пад нікам Zatestil. Ён набыў тры пасылкі рознага памеру і заплаціў за ўсё 30 рублёў (бо кошт на большасць пасылак стандартны: 10 рублёў за штуку).
В Минске есть место, где можно купить потерянные посылки из Китая! Такую необычную своего рода лотерею можно найти в одном из магазинов Минска. Здесь предлагают купить посылки с AliExpress, которые по каким-то причинам не дошли до получателя. Механика простая: Выбираете посылку которая приглянулась, их можно трогать и щупать руками. Оплачиваете и вскрываете Стоимость одной 10 BYN, а попасться может то, что стоит значительно дороже. Вот такое интересное своего рода развлечение есть в магазине по адресу ул.Малинина 35А
Блогер адзначае, што выбіраць ёсць з чаго, але і попыт на згубленыя пасылкі вялікі. Паглядзець, што канкрэтна знаходзіцца ўнутры, нельга, але дазваляюць перад аплатай прамацаць пакунак.
— І вось што мне трапілася. У першым пакунку быў трымальнік для тэлефона на ровар, няхліпкі і прыемны навобмацак. На AliExpress я знайшоў такі самы ажно за 40 рублёў.
У другой пасылцы быў трохметровы кабель для падключэння камп’ютара да тэлевізара. Больш за ўсё блогера здзівіў ягоны кошт на маркетплэйсе — амаль 80 рублёў.
А ў самым вялікім пакунку ляжаў кавалак тканіны тыпу спанбонд.
— Як па мне, не самая ўдалая пакупка. Але можа ў гаспадарцы спатрэбіцца.
Гэту ж паслугу пратэсціравала каманда Slivki.by. Іх блогерка распавяла, што ёсць і нейкія эксклюзіўныя варыянты, якія каштуюць значна больш за 10 рублёў — і паказала скрынку, якую ацанілі ў 300 рублёў. Але загадзя высветліць, што ў ёй, таксама нельга. Скрынку нават і прамацаць немагчыма.
Дзяўчына набыла шэсць пакункаў па 10 рублёў за кожны. Ёй трапіліся значна больш экзатычныя варыянты. Напрыклад, кій для гульні ў більярд, калімба (музычны інструмент) і вялікі ружовы вібратар. За працэсам распакоўкі здалёку ўважліва назіраў партрэт Аляксандра Лукашэнкі.
Гэты ролік у інстаграме набраў больш за 400 тысяч праглядаў. У каментарыях цікавіцца, ці не бачыла блогерка іх згубленую пасылку. А некаторым вельмі спадабалася ідэя крамы, бо атрымалася бяспройгрышная латарэя.
Чаго чакае Польшча ад Мінска і ці закрые зноў мяжу на гэтым тыдні?26
Каментары