Пра першы ўдар па Расіі брытанскімі дальнабойнымі ракетамі піша агенцтва Bloomberg са спасылкай на ананімнага заходняга чыноўніка. Да гэтага пра першы запуск Storm Shadow па расійскай тэрыторыі паведамілі расійскія Z-каналы.
Суразмоўца Bloomberg сказаў, што Вялікабрытанія дазволіла Украіне выкарыстоўваць Storm Shadow у адказ на «разгортванне Расіяй паўночнакарэйскіх войскаў» у баявых дзеяннях. Лондан успрыняў гэты крок Масквы як эскалацыю, адзначыла крыніца.
Па інфармацыі расійскіх Z-блогераў, украінскія войскі выпусцілі па Расіі ад 10 да 12 ракет, удар быў нанесены па пасёлку Мар'іна ў Рыльскім раёне Курскай вобласці.
Z-канал «Два майора» нават паказаў фрагменты ракет Storm Shadow, якія нібыта ўдарылі па Мар'іне. А тэлеграм-канал тэрытарыяльнага апалчэння горада Рыльска паведаміў, што ў пасёлку пашкоджаны цывільныя аўтамабілі, інфармацыі пра пацярпелых не падаецца.
Тэлеграм-канал «Рыбарь» сёння пісаў, што абломкі Storm Shadow нібыта былі выяўленыя ў Курскай вобласці, а яшчэ дзве брытанскія ракеты былі збітыя на падлёце да Ейска ў Краснадарскім краі. Мінабароны Расіі не каментавала гэтую інфармацыю
Сёння днём губернатар Курскай вобласці паведамляў, што над рэгіёнам збілі дзве ракеты. Тып ракет ён не ўдакладняў.
Паводле звестак брытанскай газеты The Times, Лондан дазволіў Кіеву атакаваць міжнародна прызнаную тэрыторыю Расеі дальнабойнымі ракетамі Storm Shadow пасля таго, як ЗША далі аналагічны дазвол на ўжыванне ATACMS.
У офісе прэм'ер-міністра Вялікабрытаніі заявілі, што не каментуюць паведамленні пра магчымае выкарыстанне Storm Shadow супраць цэляў на расійскай тэрыторыі.
Крыніца ў Пентагоне расказала пра вынікі ўкраінскай атакі ATACMS па Бранскай вобласці
Зяленскі: Цяпер у нас ёсць ATACMS. Мы ўсё гэта будзем выкарыстоўваць
«Гэта кардынальна мяняе ўвесь расклад у вядзенні баявых дзеянняў». Што Z-блогеры думаюць пра ўдары ATACMS па Расіі?
Кепскі мір ці зацяжная вайна. Як Украіна рыхтуецца да таго, што Трамп паспрабуе адразу пасадзіць яе за стол перамоваў
Пазіцыя Шольца па пастаўках Украіне дальнабойных ракет Taurus застаецца нязменнай
Le Figaro выдаліла інфармацыю, што Францыя і Вялікабрытанія дазволілі Украіне біць дальнабойнымі ракетамі
Цяпер чытаюць
«У майго 21 сантыметр — дзесяць базавых далі». Беларусы ў тыктоку жартуюць з новых правілаў ад чыноўнікаў7
Каментары
Єдине логічне пояснення витрати доволі значної кількості Storm Shadow / SCALP по такому об'єкту - це наявність там командування угрупування армії РФ у Курській області разом з північнокорейськими генералами, - DEFENSE EXPRESS
Бо відео знято поряд з історичною будівлею маєтка Барятинських, який наразі є санаторієм, що знаходиться у порядкуванні Управління справами президента РФ. Водночас об'єкт, який уражається, у його східній частині і фігурує інформація, що там військовий об'єкт типу "вузол зв'язку".