Украінскі дыпламат: Тэрарысты не каліноўцы, а тыя, з-за каго сотні тысяч беларусаў вымушаныя былі пакінуць радзіму
Былы пасол Украіны ў Мінску, а сёння пасол па асаблівых даручэннях Ігар Кізім пракаментаваў у сваім фэйсбуку прызнанне Вярхоўным судом Беларусі Палка Кастуся Каліноўскага «тэрарыстычнай арганізацыяй».
Ігар Кізім зазначыў, што яму дзіўна назіраць за тым, як палітычны рэжым краіны, які падтрымлівае іншую тэрарыстычную дзяржаву, абвінавачвае сваіх грамадзян, якія змагаюцца супраць гэтай тэрарыстычнай дзяржавы, у тэрарызме.
«Відаць, неўзабаве згадка самога імя Кастуся Каліноўскага, фігурай якога павінен ганарыцца беларускі народ, будзе карацца лукашэнкаўскім рэжымам.
Падчас працы ў Беларусі асабіста бачыў, як гэта адбываецца, калі хтосьці публічна ўспамінаў (або дэманстраваў) беларускую гістарычную сімволіку або, у знак падтрымкі Украіны, завязваў сіне-жоўтую стужку на руцэ, казаў «Не вайне» або проста глядзеў іншыя навіны, чым тыя, якія вяшчаюць дзяржаўныя СМІ або паблікі», — напісаў дыпламат.
Дыпламат напісаў, што, «цяпер можа правільней было б казаць пра іншыя беларускія «тэрарыстычныя» арганізацыі, дзеянні якіх сталі прычынай масавага ад'езду з краіны сотняў тысяч беларусаў і якія сёння «ўтрымліваюць за кратамі тысячы людзей толькі за тое, што яны маюць іншае, чым лукашэнкаўскае, бачанне будучыні сваёй Радзімы».
«Будучыня Беларусі ў руках саміх беларусаў, але мы шчыра ўдзячныя тым беларусам, хто сёння ў шэрагах УСУ разам з украінцамі абараняе нашы супольныя каштоўнасці, нашу супольную еўрапейскую будучыню, нашу супольную свабоду і набліжае нашу супольную перамогу над расійскім агрэсарам», — падсумоўвае пасол Кізім.
Цяпер чытаюць
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе9
Таццяна Заміроўская першы раз за 11 гадоў вярнулася з ЗША ў Еўропу. Многія манеры, звычкі і нават птушкі, якіх мы не прыкмячаем, выклікалі ў яе буру ўспамінаў1010
Каментары