З сэканда ў Баранавічах выкралі люксавае адзенне, але пакінулі на месцы абарону ад крадзяжоў
Усё пачалося з таго, што маладая маці згубіла 100 рублёў.
У адным з сэканд-хэндаў Баранавічаў прадаўцы развешвалі рэчы, якія не падышлі пакупнікам, і знайшлі ў адных штанах пяць супрацькражных кліпсаў. Яны былі белага колеру — такія ў краме прымацоўваюць да рэчаў сегмента «люкс», якія каштуюць значна даражэй за астатнія, паведамляе мясцовае выданне «Наш край».
Прадаўцы прагледзелі камеры відэаназірання і знайшлі дзяўчыну, якая пакінула кошык са штанамі.
На наступны дзень гэтая пакупніца вярнулася і зноў пайшла з рэчамі ў прымеркавую. Калі дзяўчына выйшла з кабінкі, візуальна можна было ацаніць, што ў яе кошыку стала менш рэчаў, а пад адзеннем была характэрная прыпухласць.
Прадаўцы папрасілі вярнуць рэчы, але дзяўчына ўсё адмаўляла, забрала дзіця і сышла. Супрацоўнікі сэканд-хэнду звярнуліся ў міліцыю.
Так выйшла, што ўвечары дзяўчына выйшла на вуліцу, заўважыла міліцэйскае аўто і падумала, што прыехалі па яе. Яна падышла і ва ўсім прызналася.
Па словах дзяўчыны, муж даў ёй 100 рублёў на рэчы для дзіцяці, яна іх згубіла, але пабаялася прызнацца, таму вырашылася на крадзеж. У першы раз яна вынесла пяць рэчаў: у прымеркавай разарвала іх па шве, каб пазбавіцца ад кліпсаў, і забрала іх з сабой, схаваўшы пад вопратку. Пасля швы акуратна сшыла.
Дома яна ацаніла, што кошт рэчаў меншы за 100 рублёў і ў мужа могуць быць пытанні. Таму ў другі дзень яна выкрала яшчэ пяць дзіцячых маек.
За дробны крадзеж, які ўчыніла дзяўчына ў першы раз, яна панесла адміністрацыйную адказнасць. А за другі паход крымінальная адказнасць па ч. 1 арт. 206 КК (рабаванне) прадугледжвае пакаранне ад штрафу да пазбаўлення волі тэрмінам да чатырох гадоў.
Цяпер чытаюць
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»32
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць1010
Каментары