«Сваё беларускае ў сто разоў лепшае!» — сцвярджаюць яны.
Кароткае відэа аб рашэнні Еўрасаюза забараніць увоз у Беларусь сэканд-хэнду набрала амаль тры сотні каментароў. Хтосьці шкадуе, што цяпер беларусы страцяць магчымасць набываць якасныя брэндавыя рэчы па нізкіх цэнах, хтосьці сумняецца, што гэтыя санкцыі будуць выконвацца.
Прыйшлі і боты: іх характэрныя каменты напісаныя з розных акаўнтаў, але стылістыка вельмі падобная, пад капірку. Яны таксама лайкаюць адзін аднаго.
Інтэрнэт-боты атрымалі заданне паказаць, што беларусы ў сэканды не ходзяць, а купляюць выключна прадукцыю беларускіх фабрык.
Аўтары сцвярджаюць, што не пераносяць сэкандаў і ніколі там нічога не набывалі. Называюць сэканд, нават брэндавы, абноскамі.
Пры гэтым на ўсе лады хваляць беларускую прадукцыю, заяўляючы, што любяць беларускае, беларускае — лепшае, «у Беларусі шыюць такое адзенне, што брэнды побач не стаялі».
Заяўляюць, што «лепш сваё, чым чужое» і заклікаюць развіваць беларускае.
«Дзіўна, прачытала каментары і ўсе як адзін сцвярджаюць што сэканд фу і ніхто не карыстаецца, а адкуль жа ўзяліся 80 мільёнаў долараў [продажаў]?», — задаецца пытаннем адна з карыстальніц.
Цяпер чытаюць
Як выглядае стылёвы дом новай рэктаркі Акадэміі мастацтваў коштам паўмільёна даляраў18
Як выглядае стылёвы дом новай рэктаркі Акадэміі мастацтваў коштам паўмільёна даляраў
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі1212
Каментары