З 1 ліпеня 2024 дамы-інтэрнаты, прызначаныя для пажылых людзей і інвалідаў, змянілі свой статус і ператварыліся ў сацыяльныя пансіянаты. Акрамя таго, калі раней яны былі безназоўнымі, то цяпер за кожным замацавана назва, піша сайт «Першы».
Перайменаванне беларускіх дамоў-інтэрнатаў звязана з пашырэннем спектра паслуг, якія аказвае стацыянарная ўстанова сацыяльнага абслугоўвання. Гэта абумоўлена уступленнем у сілу абноўленага закона «Аб сацыяльным абслугоўванні».
Цяпер сацыяльныя пансіянаты — гэта мультыфункцыянальная ўстанова, дзе знаходзяцца людзі, якім неабходны догляд. Як паведамілі ў Мінпрацы, тыя, хто там жыве, праходзяць сацыяльную рэабілітацыю, атрымліваюць працоўныя навыкі, вырашаюць пытанні сацыялізацыі. Акрамя таго, у гэтых установах арганізавана правядзенне вольнага часу па ўсіх магчымых напрамках.
У структуры непасрэдна стацыянарных устаноў адкрываюцца і аддзяленні дзённага знаходжання. Акрамя гэтага, цяпер прадугледжаная магчымасць знаходжання ў такіх установах ва ўмовах павышанай камфортнасці.
Яшчэ адной асаблівасцю стала тое, што ўсе аб'екты падобнага тыпу (а іх у Беларусі 91) атрымалі ўласнае найменне. Раней у назвах дамоў-інтэрнатаў была прывязка толькі да месцазнаходжання, а цяпер усё інакш.
Напрыклад, Дамачаўскі дом-інтэрнат для састарэлых і інвалідаў стаў «Дамачаўскім сацыяльным пансіянатам «Сузор'е». Брэсцкі псіханеўралагічны дом-інтэрнат для састарэлых і інвалідаў ператварыўся ў ДУ «Брэсцкі сацыяльны пансіянат «Прыбужжа». Замест Косаўскага псіханеўралагічнага дома-інтэрната для састарэлых і інвалідаў з'явіўся сацыяльны пансіянат «Зарэчча». Такая ж установа ў Целяханах стала сацыяльным пансіянатам «Агінскі».
З усімі назвамі сацыяльных пансіянатаў, якія прыйшлі на месца дамам-інтэрнатам, можна азнаёміцца тут.
Цяпер чытаюць
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта14
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2323
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі23
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары