Лаўроў запэўніў Лукашэнку, што пытанне ягонага далучэння да ШАС ужо вырашана
Міністр замежных спраў Расіі Сяргей Лаўроў на сустрэчы з Лукашэнкам у Мінску запэўніў, што з пытаннем набыцця Беларуссю паўнапраўнага сяброўства ў Шанхайскай арганізацыі супрацоўніцтва ўжо усё вырашана.
«Усе ўжо дамоўленасці замацаваныя. Самым першым актам саміту ў Астане будзе афіцыйнае прыняцце Беларусі ў паўнапраўныя члены ШАС. І ўвесь астатні саміт Беларусь будзе ўдзельнічаць нароўні з усімі астатнімі членамі», — заявіў Лаўроў.
Краінамі-сяброўкамі створанай у 2021 годзе Шанхайскай арганізацыі супрацоўніцтва на гэты момант, акрамя Расіі, з'яўляюцца Кітай, Індыя, Іран, Пакістан, Казахстан, Кыргызстан, Узбекістан і Таджыкістан. Беларусь у гэтай арганізацыі з 2010 года мела статус партнёра па дыялогу, а ў 2015-га стала краінай-назіральніцай. Заяўка на паўнавартаснае сяброўства была пададзеная Лукашэнкам у 2022 годзе, і ён разлічваў, што яго прымуць ужо ў наступным годзе. Але ў 2023-м гэтае пытанне вырашана не было.
Чарговы саміт ШАС у сталіцы Казахстана Астане мае адбыцца 3-4 ліпеня.
Цяпер чытаюць
У Магілёве злавілі маньяка-ліфцёра, які ў 1990‑я згвалтаваў і забіў восем дзяўчат8
У Магілёве злавілі маньяка-ліфцёра, які ў 1990‑я згвалтаваў і забіў восем дзяўчат
«У Віцебску заходзіў у тралейбус і казаў «Слава Украіне!». Украінца ў 67 гадоў пасадзілі за каменты, напісаныя пасля гібелі хроснай дачкі пад абстрэлам у Кіеве1212
Каментары
Я чуў ня традыцыйная ўзаемаадносіны тама забаронены .