Відэа са спеваком апублікаваў канал сілавікоў. Губазікаўцы пішуць, што Саша Нэма прыйшоў у міліцыю, каб «выбачыцца за свае дзеянні ў 2020 годзе». У сторыз у інстаграме сам спявак гаворыць, што «гэта была цяжкая гутарка, з паказаннямі».
На відэа сілавікоў Саша Нэма гаворыць, што ўдзельнічаў у акцыі 16 жніўня 2020 года, пра што шкадуе — паводле яго слоў, гэта «глабальна адбілася» на яго кар'еры. Цяпер ён прыйшоў, каб прасіць прабачэння «перад усё краінай — ад шараговага рабочага да прэзідэнта».
У сторыз у інстаграме Нэма гаворыць, што «гэта была цяжкая гутарка, з паказаннямі», што ён выціснуты «ў хлам», але яму трэба было выбачыцца перад усімі, «каго ён падвёў».
Ці заведзеная нейкая справа ў адносінах да артыста, не паведамляецца. Ён на волі.
Каментары