Белчыгунка мяняе графік руху многіх цягнікоў на ўчастку Мінск — Брэст
Змены звязаныя з рамонтнымі працамі.
Як паведамілі ў прэс-службе арганізацыі, перамены ў раскладзе адбудуцца з 22 па 31 мая.
«Гэта звязана з планавымі рамонтнымі работамі чыгуначнага моста і другога галоўнага шляху на перагоне Койданава — Фаніпаль», — удакладнілі там.
Цягнік № 723/724 Мінск — Брэст са сталіцы і абласнога цэнтра на 24 мая адменены.
Акрамя гэтага, 22 мая цягнік №737 Мінск — Брэст адправіцца з Менска а 13:13 і зробіць прыпынак на станцыі «Баранавічы-Цэнтральныя», а не на станцыі «Баранавічы-Палескія».
У БЧ таксама звярнулі ўвагу, што ў названы перыяд на ўчастку Мінск — Баранавічы — Брэст асобныя цягнікі міжнародных, міжрэгіянальных ліній і рэгіянальных ліній эканомкласа будуць рухацца змененым маршрутам і раскладам.
Былы памочнік Лукашэнкі Ігар Брыло прызнаў, што набраў хабараў на $2 мільёны10
Каментары