У Кітаі абрынулася хуткасная аўтамагістраль, дзясяткі загінулых і параненых
На поўдні Кітая з-за моцных дажджоў абрынулася частка хуткаснай аўтамагістралі, у выніку чаго загінулі 24 чалавекі. Пра гэта паведаміла Цэнтральнае кітайскае тэлебачанне са спасылкай на мясцовыя ўлады.
Усяго пад заваламі знайшлі 20 машын, у бальніцах зараз знаходзяцца 30 чалавек, іх жыццям нічога не пагражае.
Адзначаецца, што аўтамагістраль абрынулася з-за моцных ападкаў у правінцыі Гуандун.
Інцыдэнт адбыўся прыкладна ў 02.10 на трасе, якая злучае правінцыі Гуандун і Фуцзянь. Абрынуўся ўчастак працягласцю каля 18 метраў, плошча абвальвання склала прыкладна 185 квадратных метраў. Дарогу закрылі, там працуюць супрацоўнікі экстранных службаў.
Моцныя ападкі не з'яўляюцца рэдкасцю для правінцыі Гуандун, але цяпер яны незвычайна моцныя. Многія ручаі ў дэльце ракі Жамчужнай небяспечна разліліся. Паведамленні пра паводкі паступаюць таксама з гарадоў і вёсак на поўнач і поўдзень ад горада Гуанчжоў.
Апоўзні лічацца асабліва небяспечнымі ў горных раёнах Кітая падчас моцных дажджоў. У канцы студзеня больш за 30 чалавек загінулі ў выніку моцнага апоўзня ў адной з вёсак на паўднёвым захадзе краіны.
Штогод у Кітаі ў выніку ўраганаў, паводак і іншых стыхійных бедстваў гіне па некалькі сотняў чалавек.
Цяпер чытаюць
У Мінску масажыст Андрэй таемна здымаў голых кліентак6
Каментары