Улады Кіева тэрмінова пачынаюць эвакуацыю дзвюх бальніц, адна з якіх дзіцячая, што размяшчаюцца на вуліцы Багатырскай у Абалонскім раёне ўкраінскай сталіцы. Гэта звязана з тым, што «ў інтэрнэт-медыя масава распаўсюджваецца відэа, дзе фактычна анансаваны ўдар ворага па гэтых медыцынскіх установах. І што, нібыта, у гэтых бальніцах знаходзяцца вайскоўцы», піша «ВВС Украіна».
«Гэта абсалютная хлусня і правакацыя ворага, якую ён спрабуе выкарыстаць для ўдару па сацыяльнай інфраструктуры сталіцы», — гаворыцца ў заяве Кіеўскай адміністрацыі.
Каб засцерагчы хворых дзяцей, іх бацькоў і медыцынскі персанал, улады сталіцы зараз робяць усё магчымае, каб перавезці пацыентаў і медыкаў у іншыя медустановы Кіева.
«Горад звярнуўся да СБУ, Міністэрства аховы здароўя па дапамогу і праінфармаваў адносна захадаў, якія прымае для захавання жыцця і здароўя пацыентаў і персаналу бальніц», — гаворыцца ў экстраннай заяве.
Як даведалася «ВВС Украіна», гэтыя дзеянні ўладаў Кіева звязаныя з ускоснымі пагрозамі ўдару па кіеўскіх бальніцах кіраўніка КДБ Беларусі Івана Церцеля.
Гэтая заява прагучала на пасяджэнні Усебеларускага народнага сходу. Там Церцель абяцаў супрацьдзейнічаць міфічным тэрарыстам з Украіны, і ў ходзе гэтага прагучала пагроза ў дачыненні да бальніц Кіева.
«Усе гэтыя людзі і іх планы нам вядомыя. У барацьбе з тэрарызмам дзейнічаем па законах ваеннага часу. Сярод тэрарыстаў ёсць забітыя і параненыя, іх напаткае пакаранне, нягледзячы на тое, што сваім логавам яны абралі кіеўскія бальніцы па адрасе Багатырская 30, 32, дзе схаваліся за спіны хворых дзяцей», — заявіў старшыня КДБ Беларусі.
«Гэта трызненне». У Літве пракаментавалі заяву Церцеля пра імаверныя ўдары літоўскіх беспілотнікаў па Мінску
Церцель заявіў, што КДБ прадухіліў удары літоўскіх беспілотнікаў па Мінску
«Кіберпартызаны» адказалі Церцелю: Мы ніколі не планавалі атаку на БелАЭС
Церцель: Падлеткі вырабілі выбухоўку і хацелі падарваць Баранавіцкі РАУС
Каментары