2 красавіка ў Гродне на вуліцы Вялікай Траецкай адкрылі «Рускі дом», ужо чацвёртую ўстанову такога кшталту ў Беларусі. Адкрыццё прымеркавалі да так званага Дня яднання народаў Беларусі і Расіі, уведзенага яшчэ ў 1990-х.
Пасол Расіі ў Беларусі Барыс Грызлоў сцвярджае, што адкрыццё ў Гродне Расійскага цэнтра навукі і культуры («Рускага дома») будзе спрыяць пашырэнню «шматвекавых сувязяў паміж братэрскімі народамі Расіі і Беларусі».
«Адкрываючы ў Дзень яднання народаў Расіі і Беларусі Расійскі цэнтр навукі і культуры ў Гродне, мы садзейнічаем пашырэнню шматвяковых сувязяў паміж нашымі братэрскімі народамі, у аснове якіх ляжаць агульныя карані, гісторыя, культура і руская мова, якая мае ў рэспубліцы статус дзяржаўнай», — адзначыў Грызлоў.
Паводле слоў Грызлова, установа з’яўляецца шматпрофільнай культурна-гуманітарнай прасторай, тут будуць праводзіць майстар-класы, канцэрты, кінапаказы, адукацыйныя мерапрыемствы, выставы расійскіх і беларускіх мастакоў.
Пры гэтым Барыс Грызлоў назваў тэрміны з’яўлення «Рускага дома» ў Горадні «рэкордна кароткімі», бо ад моманту прыняцця рашэння аб ягоным адкрыцці да ўрачыстага мерапрыемства «прайшло ўсяго паўтара года».
Раней «Рускія дамы» былі адкрытыя ў Мінску, Гомелі і Брэсце. Стварэннем «Рускіх дамоў» займаецца дзяржаўная арганізацыя «Рассупрацоўніцтва».
«У першую чаргу нашы дамы мы адкрываем для людзей, якія хочуць пабольш даведацца пра Расію, яе культуру, атрымаць дакладную інфармацыю пра падзеі, што адбываюцца. Рускі дом — гэта пляцоўка для дыялогу і абмену думкамі па розных пытаннях», — сказаў напярэдадні адкрыцця Рускага дома ў Гродне кіраўнік Рассупрацоўніцтва Яўген Прымакоў.
Намеснік старшыні Гродзенскага аблвыканкама Віталь Нявера, выступаючы на адкрыцці, заявіў, што ініцыятыва стварэння ў Гродне Рускага дома зыходзіла, маўляў, не «зверху». Паводле слоў чыноўніка, з такім запытам у «Рассупрацоўніцтва» звярнуліся члены аб'яднання «Рускае таварыства».
«Адгукнуўся на 95% аб'яў — і ўсе адмовілі». Расіяніну не хочуць здаваць кватэру ў Гродне8
Каментары
Горадні «рэкордна кароткімі», бо ад моманту прыняцця рашэння аб ягоным
адкрыцці да ўрачыстага мерапрыемства «прайшло ўсяго паўтара года».