Міністэрства юстыцыі Беларусі выдала пасведчанні аб рэгістрацыі новых грамадскіх аб’яднанняў.
Як паведамляецца на афіцыйным сайце Мінюста, зарэгістравана маладзёжнае грамадскае аб’яднанне «Беларуская федэрацыя карфбола», дзейнасць якога накіравана на папулярызацыю ў Беларусі карфбола — змешанай каманднай гульні, падобнай да баскетбола.
Пачало таксама дзейнічаць міжнароднае грамадскае аб’яднанне «Саюз майстроў міратворцаў «Святло», закліканае развіваць і папулярызаваць міратворчасць у выяўленчым мастацтве, дэкаратыўна‑прыкладным мастацтве і народных промыслах, распаўсюджваць ідэі міру і ненасілля ва ўсіх сферах мастацтва.
Створана міжнароднае грамадскае аб’яднанне «Цэнтр вывучэння сучаснай рэлігійнасці», мэтай якога з’яўляецца навукова‑даследчая дзейнасць пра вывучэнні канфесійнай прасторы Беларусі і іншых краін, канфесійных і пазаканфесійных форм сучаснай рэлігійнасці, свабоды сумлення і веравызнання.
Акрамя таго, Мінюстам зарэгістравана рэспубліканскае грамадскае аб’яднанне «Сацыяльная маладзёжная ініцыятыва». Яно заклікана садзейнічаць інавацыйнаму, сацыяльнаму, культурнаму, духоўнаму і фізічнаму развіццю беларускай моладзі, яе патрыятычнаму выхаванню, захаванню і ўмацаванню маральных правіл сям’і і грамадства, прапагандзе здаровага ладу жыцця.
Зарэгістраваны таксама грамадскае аб’яднанне «Свет шчаслівай сям’і», дзейнасць якога накіравана на прапаганду і фармаванне традыцыйных сямейных каштоўнасцяў, і міжнароднае грамадскае аб’яднанне «Шчасце жыць», мэтай якога з’яўляецца дапамога хворым на хранічны міелалейкоз.
Пяць дзён, 60 удзельнікаў, саўна, більярд і крыкі адзін на аднаго. Расказваем, як прайшла закрытая «гульня Мацкевіча»42
Каментары