Грамадства99

Камуністы далей пашыраюць свае фэйкі пра Курапаты. Пішуць іх проста на камянях ФОТА

Ідэйныя прыхільнікі чэкістаў сцвярджаюць, што быццам бы ў Курапатах не НКВД расстрэльвала палітычных вязняў, а немцы забівалі габрэяў з Заходняй Еўропы.

На фота з Курапатаў бачна, якія надпісы парабілі «невядомыя асобы» на камяні на Галгофе — пагорку ў цэнтры ўрочышча.

Камень, на якім была выява Хрыста, Багародзіцы і апостала Андрэя, высечаны надпіс «Ахвярам сталінізму» і напісаная белай фарбай цытата з кнігі прарока Ісаі «Хоць бы грахі вашы былі як пурпур — як снег пабялеюць» (Ісайя, 1, 18), першы раз апаганілі ў лістападзе 2020 года. Тады вандалы былі напісаўшы на гэтым камені чырвонай фарбай «Вернём практики НКВД».

Цяпер жа камуністычныя вандалы прыйшлі з белай фарбай і акуратнымі літарамі. На месцы, дзе быў надпіс па-беларуску «Ахвярам сталінізму», з’явіліся надпісы фарбай па-руску: «Всем убиенным на Белой Руси в XX в.» і «Операция Курпатен юден (curpaten juden — «отеческая забота о евреях»).

«Аперацыя «Курпатэн юдэн» — гэта фэйк, які ўжо некалькі год распаўсюджваюць пралукашэнкаўскія камуністы на чале з адстаўным палкоўнікам Аляксандрам Плавінскім.

Ідэйныя прыхільнікі чэкістаў сцвярджаюць, што быццам бы ў Курапатах не НКВД расстрэльвала палітычных вязняў — а што немцы забівалі габрэяў з Заходняй Еўропы. Раней іх прапаганда была маргінальная, а цяпер слова ім даюць розныя дзяржаўныя пляцоўкі.

Цікава, што камуністы, якія не прызнаюць Бога, скарысталіся для сваёй прапаганды і Святым Пісаннем. Яны цынічна дапісалі на камені цытату з Евангелля паводле Лукі (8, 17) «Няма нічога схаванага, што б ні стала яўным, і нічога таемнага, пра што б не стала вядома і што б не выявілася».

Відаць, хацелі сказаць, што іх выдумка пра расстраляных у Курапатах габрэяў і ёсць той самай «тайнай».

Таксама ў Курапатах усё больш паваленых крыжоў. Такое ўражанне, што хтосьці адмыслова «дапамагае» ім паваліцца. Нават на Галгофе — у цэнтральнай частцы ўрочышча — ляжыць на зямлі адзін з найбольшых крыжоў, пастаўлены ў памяць ахвяраў з Браслаўшчыны.

Падымаць крыжы ніхто не наважваецца.

Каментары9

  • Беларус
    29.01.2024
    Няма абаронцаў Курапатаў, або сядзяць, або з'ехалі, засталіся нейкія мудакі
  • No
    29.01.2024
    Калi Беларусь зробiцца дэмакратычнай краiнай, то камунiзм павiнен быць асуджаным, а камунiстычныя партыi забароненыя
  • Не
    29.01.2024
    Толькі Пратэстаснтызм выратуе краіну лап камуна мангола ўралоідаў!

Цяпер чытаюць

Польшча адкрывае мяжу з Беларуссю

Польшча адкрывае мяжу з Беларуссю

Усе навіны →
Усе навіны

Расследавальнікі знайшлі дубайскага кашалька Лукашэнкі, які пабудаваў бізнэс-імперыю ў Літве і застаўся па-за санкцыямі8

Барселонская Саграда Фамілья ў наступным годзе стане найвышэйшым хрысціянскім храмам Еўропы2

У Беларусь даставілі буйную партыю боепрыпасаў5

Жонка Чарлі Кірка публічна прабачыла забойцу яе мужа. Трамп з ёй не пагадзіўся5

Канал МЗС Беларусі абвінаваціў Польшчу ў шантажы Кітая па ўказцы Вашынгтона22

На «Дажынках» у Ваўкавыску Уладзімір Каранік пуляў капустай у баскетбольнае кольца ВІДЭА12

На вызваленых і дэпартаваных палітвязняў сабралі 111 тысяч еўра — як іх размяркуюць?21

У Беларусі хочуць увесці падатак на багацце13

Былы памочнік Лукашэнкі Ігар Брыло прызнаў, што набраў хабараў на $2 мільёны15

больш чытаных навін
больш лайканых навін

Польшча адкрывае мяжу з Беларуссю

Польшча адкрывае мяжу з Беларуссю

Галоўнае
Усе навіны →

Заўвага:

 

 

 

 

Закрыць Паведаміць