Літва абвінаваціла беларускіх памежнікаў у незаконным парушэнні мяжы на два з паловай метры
Інцыдэнт адбыўся ў раёне заставы Пушкас.
У аўторак Служба аховы дзяржаўнай мяжы Літвы (САМДЛ) паведаміла, што напярэдадні ў Ігналінскім раёне трое ўзброеных беларускіх памежнікаў зайшлі на тэрыторыю Літвы на адлегласць двух з паловай метраў, паведамляе LRT. Інцыдэнт адбыўся ў раёне заставы Пушкас.
Па даных Службы аховы края, падышоўшы да фізічнага бар'ера на літоўскім баку, яны павярнулі назад. Служба сцвярджае, што за тым, што адбываецца, назіралі і кантралявалі гэта літоўскія памежнікі, якія былі гатовыя адрэагаваць.
Паведамляецца, што беларускія службовыя асобы ішлі ўздоўж мяжы па сваёй заснежанай тэрыторыі ў раёне вёскі Вайцішкі Ігналінскага раёна Літвы. Беларусы, пад наглядам літоўскіх памежнікаў праз камеры, падышлі да разбуранага патрульнага моста, засыпанага снегам на іх баку, развярнуліся і перасеклі лінію мяжы.
«Пасля заходу на літоўскі бок беларусы пачалі хадзіць паміж устаноўленым фізічным бар'ерам, які перашкаджае далейшаму доступу ўглыб Літвы, і лініяй мяжы. Да гэтага месца неадкладна былі выкліканыя сілы памежнікаў заставы Пушкас, але паколькі інцыдэнт не атрымаў развіцця, у іх умяшанні не было неабходнасці», — гаворыцца ў паведамленні САДМЛ.
-
«На якую халеру пяцізоркавы гатэль, калі я магу паставіць намёт на ўзбярэжжы акіяна?» Беларус пешшу падарожнічае па свеце
-
Мінск пагражае Кіеву «дзеяннямі ў адказ» пасля здарэння з аўтобусам у Бранскай вобласці
-
«Гандляр зброяй Сярых мог выкрасці Котава, каб здаць яго беларускім спецслужбам і заслужыць увагу Лукашэнкі» — Станіслаў Івашкевіч
Цяпер чытаюць
У Мінску здаюць трохпакаёўку ўсяго за $200, уласнік нават гатовы замарозіць стаўку на чатыры гады — пры адной умове5
Каментары