Грамадства

Арменія папрасіла партнёраў у АДКБ зняць з парадку дня дакумент аб дапамозе краіне

22 лістапада ў Мінску адбудуцца пасяджэнні саветаў міністраў абароны, замежных спраў і Камітэта сакратароў Радаў бяспекі краін АДКБ. На 23 лістапада запланавана правядзенне сесіі Рады калектыўнай бяспекі АДКБ.

Прэм'ер Арменіі Нікол Пашынян. Фота: Contributor / Getty Images

Арменія папрасіла партнёраў у АДКБ зняць з парадку дня дакумент аб дапамозе краіне. Пра гэта заявіў генеральны сакратар АДКБ Імангалі Тасмагамбетаў 20 лістапада на сустрэчы з Аляксандрам Лукашэнкам, піша БелТА.

22 лістапада ў Мінску адбудуцца пасяджэнні саветаў міністраў абароны, замежных спраў і Камітэта сакратароў Радаў бяспекі краін АДКБ. На 23 лістапада запланавана правядзенне сесіі Рады калектыўнай бяспекі АДКБ.

«Што датычыцца выканання плана мерапрыемстваў па рэалізацыі рашэнняў Рады калектыўнай бяспекі лістападаўскай сесіі мінулага года і прыярытэтных напрамкаў Беларусі, з 34 мерапрыемстваў 32 выкананы.

Два мерапрыемствы, на жаль, выканаць не маглі. Гэта перш за ўсё нашы міжнародныя кантакты з еўрапейскімі міжнароднымі арганізацыямі, такімі як АБСЕ. У сілу іх пазіцый. І другое пытанне — гэта даручэнне Рады калектыўнай бяспекі па дапрацоўцы рашэння па дапамозе Арменіі. Армянскі бок, хоць усе астатнія хаўруснікі падтрымалі гэтую пастанову, не выказваў ніякай сваёй цікавасці да гэтага дакумента і, больш за тое, у завяршальнай частцы нашай працы яны папрасілі яго наогул зняць з парадку дня», — сказаў генеральны сакратар АДКБ.

У лістападзе 2022 года на саміце АДКБ у Ерэване прэм'ер-міністр Арменіі Нікол Пашынян адмовіўся падпісаць праект рашэння Рады калектыўнай бяспекі аб сумесных мерах па аказанні дапамогі Арменіі. Тагачасны генеральны сакратар АДКБ Станіслаў Зась пасля пасяджэння растлумачыў журналістам, што дакумент у цэлым узгоднены, вызначаны комплекс мер па аказанні дапамогі Арменіі. Але па шэрагу пазіцый праект рашэння меў патрэбу ў дапрацоўцы. Кіраўнікі дзяржаў даручылі дапрацаваць гэты дакумент і даслаць яго ім на падпісанне.

Каментары

Цяпер чытаюць

Дачакалася з войска і паехала з ім у рэйс. Пад Старымі Дарогамі загінула маладая пара з Бабруйска1

Дачакалася з войска і паехала з ім у рэйс. Пад Старымі Дарогамі загінула маладая пара з Бабруйска

Усе навіны →
Усе навіны

У Беларусі ўсё больш машын у продажы. Старыя карчы яшчэ складаней прадаць?3

Украіна нанесла ўдар па аэрадроме Ахтубінска каля Астрахані, у глыбіні Расіі3

Акцёр з «Купалы» выклаў у вольны доступ ШІ-фільм, які прынёс яму 450 тысяч даляраў1

Эйсмант разлічвае, што на перамовах па Украіне спрацуюць беларускія карані Кушнера15

У Мінску пасля пяці месяцаў працы закрываецца піцэрыя Foca1

З Кастрычніцкай у Мінску знік партрэт Караткевіча. Аўтар патлумачыў, чаму замяніў яго9

Пентагон скароціць менш амерыканскіх вайскоўцаў у Еўропе, чым планавалася раней

Сабаленка ўнеслі ў базу «Міратворца» пасля скандалу на матчы з украінкай Світолінай25

«Дзякуй жанчынам, якія дачакаліся». Tor Band паказалі сваю першую рэпетыцыю3

больш чытаных навін
больш лайканых навін

Дачакалася з войска і паехала з ім у рэйс. Пад Старымі Дарогамі загінула маладая пара з Бабруйска1

Дачакалася з войска і паехала з ім у рэйс. Пад Старымі Дарогамі загінула маладая пара з Бабруйска

Галоўнае
Усе навіны →

Заўвага:

 

 

 

 

Закрыць Паведаміць