«Гэта чалавек, які не баіцца крыві». Шуневіч распавёў, як збіраюцца выкарыстоўваць паляўнічых
Беларускія паляўнічыя пойдуць у народнае апалчэнне са сваёй зброяй. Аб гэтым журналістам заявіў старшыня арганізацыі Ігар Шуневіч, каментуючы сустрэчу ў Лукашэнкі.
Шуневіч адзначыў, што паляўнічы — гэта прафесіянал сваёй справы, у якога ёсць стралковы вопыт, экіпіроўка і абсталяванне.
«І самае галоўнае, гэта чалавек, які не баіцца крыві як мінімум», — сказаў Шуневіч.
«Паляўнічыя, якія не будуць прызваны на службу ў парадку, вызначаным ваенкаматамі, безумоўна, прымуць удзел у любых дзеяннях, неабходных для абароны дзяржавы. Выкарыстоўваючы і свае навыкі, і экіпіроўку, і зброю. Аб гэтым таксама мы сёння гаварылі. Тут выключэнняў не будзе ніякіх, — сказаў ён.
Па словах Шуневіча, такое меркаванне, жаданне і рашучасць агучваюць самі паляўнічыя.
— Кожны, хто валодае зброяй, разумее, што павінен будзе абараняць [краіну]. Чым бараніць ёсць. Астатняе дашліфуем.
Паводле яго, цяпер у арганізацыі знаходзяцца больш за 32 тыс. паляўнічых і каля 40 тыс. рыбаловаў.
Задачу стварыць у Беларусі пры кожным сельскім савеце ўзброеныя стралковай зброяй атрады народнага апалчэння, якія пры ўвядзенні ваеннага становішча стануць рэзервам тэрытарыяльнай абароны, Лукашэнка паставіў у маі 2022 года. Закон аб народным апалчэнні Лукашэнка падпісаў у сярэдзіне ліпеня 2023 года. Аднак яшчэ да яго ўступлення ў сілу ў краіне праводзіліся вучэнні атрадаў апалчэння і іх узаемадзеяння з мясцовымі органамі ўлады і сілавымі структурамі.
-
У Мінску адкрылі новую дыспетчарскую станцыю замест знесенай савецкай. Але будынка там няма — толькі бытоўка і біятуалет
-
У Беларусі за апошнія гады ліквідавалі 40 праваслаўных прыходаў
-
У Беларусі перастала працаваць сістэма анлайн-кантролю за рухам тавараў — ад шын да фенаў. Гэта не першы такі збой сёлета
Цяпер чытаюць
Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал15
Каментары