Два беларусы-дальнабойнікі загінулі ў ДТЗ. Іх фуры на латвійскіх нумарах сутыкнуліся ў Расіі
У суботу, 4 лістапада, два грузавікі з латвійскімі нумарамі сутыкнуліся на трасе М-9 у Цвярской вобласці РФ. Кіроўцы загінулі. Гэтую інфармацыю Rus.LSM.lv пацвердзілі і ў галіновай асацыяцыі Latvijas auto. Паводле яе звестак, машынамі, якія сутыкнуліся ў лоб, кіравалі грамадзяне Беларусі з Віцебска.
Па папярэдніх даных, адзін з кіроўцаў выехаў на сустрэчную паласу і сутыкнуўся з іншым грузавіком.
«Вядома, што адна фура ехала на разгрузку, другая была пустая. Гэта абедзве латвійскія фірмы [уладальнікі]. Кіроўцамі былі беларусы, працавалі на законных падставах», — распавёў Аляксандр Чаркасаў, член праўлення і выканаўчы дырэктар Латвійскай асацыяцыі грузаперавозчыкаў Latvijas auto.
Паводле яго слоў, аднаму вадзіцелю было 27 гадоў, другому — 45 гадоў. Абодва былі з аднаго горада — Віцебска.
Цяпер чытаюць
«Яна была спартыўнай дзяўчынай». Што вядома пра загінулую пасажырку дэльтаплана, які ўпаў пад Мінскам2
Каментары