Як стаць чараўніком для дзяцей палітвязняў? Cтартавала «Калядная пошта»
Напярэдадні Калядаў фонд «Краіна для жыцця» разам з ініцыятывамі Dissidentby, Littouwin Lions club, Politzek.me, Народнымі амбасадамі Беларусі ды Аб’яднаннем беларусаў у Амерыцы (ABA) абвясцілі пра адкрыццё «Каляднай пошты» для дзяцей палітзняволеных.
Дзеці палітвязняў могуць намаляваць ці напісаць у лісце пра падарунак, які хацелі б знайсці пад навагодняй ялінкай. Для ўдзелу ў акцыі трэба запоўніць форму па спасылцы.
А кожны з вас можа стаць тым самым чараўніком, які здзяйсняе жаданні. І падарыць дзіцяці тое, пра што яно так марыла. Да акцыі можна далучыцца з любой часткі свету. Зрабіць гэта можна па спасылцы.
Умовы дабрачыннай акцыі:
- ліст могуць напісаць дзеці палітвязняў ва ўзросце да 16 гадоў;
- дзеці палітвязняў, што вызваліліся, ва ўзросце да 16 гадоў;
- таксама прымаюцца заяўкі для дзяцей з асаблівасцямі да 19 гадоў.
Збор заявак будзе доўжыцца месяц, да 3 снежня.
Давайце разам падорым цеплыню і клопат дзецям, чые мама ці тата зараз за кратамі, заклікаюць арганізатары акцыі.
-
«Спачатку пагрозу прыдумаў, потым сам яе перамог». Прапаганда абвяргае Зяленскага, сцвярджае, што рэтранслятараў не здымалі, бо іх не было
-
20‑гадовага мінчука затрымалі перад тым, як ён паспеў прадаць першую дозу наркотыку 16‑гадовай дзяўчыне
-
У Магілёве стаў працаваць адкрыты скаладром. Ён самы высокі ў Беларусі
Цяпер чытаюць
Зяленскі: Рэтранслятары на мяжы Беларусі прыпынілі працу69
Каментары