Уначы прайшла інфармацыя, што ў самалёта «Белавія» лопнула кола, у выніку пры пасадцы ў аэрапорце Мінска ён заблакаваў узлётна-пасадачную паласу. Цяпер з'явіўся афіцыйны каментар кампаніі з гэтай нагоды.
Як паведамілі ў «Белавія», 1 лістапада пасля вылету рэйса В2-784 з міжнароднага аэрапорта Стамбула імя Атацюрка яго наземныя службы, агледзеўшы ўзлётна-пасадачную паласу, паведамілі аб магчымым пашкоджанні кола самалёта.
Экіпаж лайнера Boeing 737 MAX 8 прааналізаваў сітуацыю і прыняў рашэнне рухацца ў пункт прызначэння. Палёт выконваўся ў штатным рэжыме.
«Дзякуючы прафесійным дзеянням экіпажа пасадка прайшла ўдала, ніхто з пасажыраў і членаў экіпажа, якія знаходзіліся на борце, не пацярпеў», — заявілі ў авіякампаніі.
Пасля пасадкі самалёт пакінулі на ўзлётна-пасадачнай паласе, яго рухавікі былі заглушаныя з мэтай недапушчэння магчымага перагрэву шасі. Пасля самалёт адбуксіравалі на месца стаянкі.
«У адпаведнасці з дзейнымі правіламі, пасля здзяйснення пасадкі паветранага судна праводзіцца расследаванне прычыны разбурэння левага асноўнага кола шасі», — паведаміла прэс-служба «Белавія».
Чытайце таксама:
«Белавія» таксама заявіла пра зніжкі
Стала вядома, колькі каштуе білет на гуманітарны рэйс «Белавія» з Ізраіля
Цяпер чытаюць
Ездзілі шукаць нават у БССР, а неапазнанае цела 30 гадоў ляжала ў спецсховішчы. Новыя дэталі загадкавага знікнення ў ЗША беларускага пісьменніка Міколы Цэлеша22
Каментары