Лукашэнка даў наказ чыноўнікам выбраць дэпутатаў, якіх пасля «абяруць», і не хаваць гэтага
Падчас нарады з новапрызначанымі кіраўнікамі раёнаў і прадпрыемстваў Аляксандр Лукашэнка расказаў ім, што рабіць на наступных выбарах.
Лукашэнка заўважыў, што ідэалагічны складнік у электаральных кампаніях мае важнае значэнне.
«Думайце, хто будзе прадстаўляць вас у парламенце, ва Усебеларускім народным сходзе. Мы абсалютна не хаваем таго, што мы кагосьці будзем падтрымліваць — гэта натуральна. Калі б мы цяпер сябе такімі нявіннымі паказвалі, з нас бы проста смяяліся», — сказаў ён.
Лукашэнка дадаў, што калі б яны электроннае галасаванне праводзілі, то іх бы «з твару зямлі сцерлі».
«У нас ёсць свае задачы, свае мэты, вызначайце годных, патрыятычных людзей, прафесіяналаў і падтрымлівайце іх на парламенцкіх выбарах і [выбарах] ва Усебеларускі народны сход. Нічога я не хаваю, і вам хаваць няма чаго», — сказаў ён.
Цяпер чытаюць
Каб не трапіць на Акрэсціна, мінчук збег жыць у лес — вось яго гісторыя9
Каментары
Вот и весь патриотизм и профессионализм.....