Літоўца асудзілі да 15 гадоў калоніі за перавоз у Беларусь наркотыкаў
Суд Ашмянскага раёна прысудзіў грамадзяніна Літвы Вандзіса Далюса 15 гадоў калоніі па абвінавачанні ў незаконным абароце наркотыкаў (частка 3 артыкула 328 КК) і незаконным перамяшчэнні наркотыкаў праз мяжу (частка 2 артыкула 328-1 КК). Інфармацыя аб прысудзе з'явілася на сайце Вярхоўнага суда, а імя было пазначана ў раскладзе пасяджэнняў.
Паводле версіі абвінавачання, літовец прывёз з Літвы ў Беларусь 670 плітак гашышу — 64 кілаграмы рэчыва. На пасяджэнні абвінавачаны сваёй віны не прызнаў і сказаў, што ў студзені ягоны знаёмы папрасіў яго прывезці ў Беларусь медыкаменты — прэпараты для пратэзавання і прыгажосці. Абвінавачаны нібыта разумеў, што гэта трэба будзе зрабіць таемна, для чаго перадаў свой аўтамабіль знаёмаму.
Пасля літовец, маўляў, не аглядаў машыны і паехаў у бок Беларусі. А на мытні з машыны дасталі пліткі гашышу.
Зрэшты, падобны эпізод у абвінавачанага не першы. Яшчэ ў 2002 годзе расійская «Независимая газета» пісала, што ў Маскве ў таго ж Вандзіса Далюса і іншага грамадзяніна Літвы Казенаса Далюса знайшлі 0,7 кг какаіну.
Цяпер чытаюць
РІА Навіны апублікавала калонку, што Расію чакае яшчэ адна «СВА» — з Літвой. А пасля выдаліла з пазнакай «Не адпавядае дзяржаўнай палітыцы»31
РІА Навіны апублікавала калонку, што Расію чакае яшчэ адна «СВА» — з Літвой. А пасля выдаліла з пазнакай «Не адпавядае дзяржаўнай палітыцы»
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары