Кітай возьме ўдзел у сустрэчы наконт мірнага плана Украіны ў Саудаўскай Аравіі
Кітай пацвердзіў, што возьме ўдзел у сустрэчы дзеля дасягнення міру ва Украіне, якая пройдзе ў Саудаўскай Аравіі 5—6 жніўня. Пра гэта з'явілася паведамленне Міністэрства замежных спраў Кітая, як піша «Украінская праўда».
«На запрашэнне Каралеўства Саудаўская Аравія спецыяльны прадстаўнік урада Кітая па пытаннях Еўразіі Лі Хуэй наведае Джыду для ўдзелу ў сустрэчы наконт украінскага пытання.
Кітай гатовы супрацоўнічаць з міжнароднай супольнасцю, каб працягваць адыгрываць канструктыўную ролю ў пошуку палітычнага ўрэгулявання крызісу ва Украіне», — адзначаецца ў паведамленні кітайскага МЗС.
Прадстаўнікоў Расіі на гэтай сустрэчы не будзе, іх нават не запрашалі.
Раней паведамлялася, што Еўрасаюз чакае ўдзелу прадстаўнікоў каля 40 дзяржаў на нефармальнай сустрэчы ў Саудаўскай Аравіі ў канцы тыдня, дзе будуць абмяркоўваць шляхі дасягнення міру ва Украіне.
Аб правядзенні сустрэчы ў Саудаўскай Аравіі ў Джыдзе 5—6 жніўня спачатку паведаміла выданне The Wall Street Journal, а пазней інфармацыю пацвердзіў кіраўнік Офіса прэзідэнта Украіны Андрэй Ярмак.
Украінскія і заходнія афіцыйныя асобы спадзяюцца, што гэтыя намаганні могуць завяршыцца мірным самітам у канцы гэтага года, на якім сусветныя лідары падпішуць агульныя прынцыпы спынення вайны.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары
Ещё показательный момент в том, что к питерской шпане, на саммит Африки, приехали вторые и третьи лица.
Это говорит о том, что Россия удобна теперь и сейчас - списывает долги и даёт, безвозвратно, большие деньги мелким людоедам и бандитам из Африки.
Не только выходом из зерновой сделки, шпана питера, нагадила взрослым дядям, но и созданием хаоса в Африке, где много интересов взрослых дядь.