Нестандартны спосаб прадоўжыць жыццё туям прыдумалі ў Ганцавічах. Засохлыя расліны «амаладзілі» зялёнай фарбай. Выглядае амаль падобна, галоўнае — зелена, іранізуе «Ганцавіцкі час».
Селекцыянеры гадамі б'юцца, каб вывесці новы від раслін. І калі блакітныя елкі — гэта мінулае стагоддзе, то вочы жыхароў Ганцавіч цяпер радуюць новыя туі бірузовага колеру.
Новая славутасць знаходзіцца ў Ганцавічах на вуліцы Кастрычніцкай каля кінатэатра і фантана. Тут грунтоўна пафарбавалі дзве туі, а для трэцяй пакуль фарбы не хапіла, то яе азелянілі хоць бы плямамі.
«Вы нічога не разумееце, гэты спосаб навядзення прыгажосці выкарыстоўвалі яшчэ ў Савецкай арміі перад прыездам генералаў або іншага высокага вайсковага начальства. Салдаты СССР яшчэ памятаюць, як фарбавалі гуталінам асфальт, пэндзлікамі траву і лісце зялёнай фарбай», — успамінае пажылы жыхар Ганцавіч.
Цяпер тэхналогіі зрабілі вялікі крок наперад, таму замест пэндзлікаў ганцавіцкія камунальнікі выкарыстоўвалі пульверызатары.
Сёлета ў Ганцавічах пройдуць абласныя «Дажынкі», горад рыхтуецца прыняць тысячы гасцей. У сувязі з гэтым добраўпарадкоўваюць вуліцы і адкрываюць новыя арт-аб'екты. Напрыклад, каля чыгуначнай станцыі паставілі велізарную калонку, з якой у даўнія часы напаўнялі цягнікі.
Цяпер чытаюць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку3
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра3232
Каментары