Спадарожнікавы канал «Беларусь 24», які вяшчае за межы Беларусі, узначаліў тэлевядучы Павел Лазовік.
Павел Лазовік. Фота: Белтэлерадыёкампанія
Павел Лазовік нарадзіўся ў Маладзечне, у 2003 годзе скончыў факультэт мастацтваў Інстытута сучасных ведаў.
Раней Лазовік вёў навінавыя перадачы на канале «Беларусь 1», у тым ліку «Галоўны эфір», працаваў на Беларускім радыё, займаў пасаду намесніка дырэктара інфармацыйнага і грамадска-палітычнага вяшчання Першага нацыянальнага канала Беларускага радыё.
Раней тэлеканал узначальваў Аляксандр Мартыненка. Калісьці ён быў намеснікам старшыні Белтэлерадыёкампаніі, а таксама вядомы сярод іншага і тым, што ў свой час быў жанаты з намесніцай кіраўніка Адміністрацыі Лукашэнкі Наталляй Пяткевіч.
Каментары