Беларускія вайскоўцы дапамагаюць мігрантам пераадольваць агароджы на мяжы — намеснік міністра
Беларусь забяспечвае мігрантаў абсталяваннем для пераадолення агароджаў на польскай мяжы, паведаміў у твітары ўпаўнаважаны ўрада Польшчы па бяспецы інфармацыйнай прасторы Станіслаў Жарын.
Па ягоных словах, сітуацыя на мяжы Польшчы з Беларуссю застаецца напружанай, а «напады на польскіх памежнікаў — ахоўнікаў і салдат — з боку груп агрэсіўных замежнікаў адбываюцца штодня».
«Беларускія спецслужбы не толькі дастаўляюць мігрантаў у памежную зону, але і даюць ім абсталяванне для нелегальнага пераходу (лесвіцы, балтарэзы) і штурму польскіх памежнікаў (камяні, цэглу)», — адзначыў Жарын.
Як перакананы намеснік міністра, «працягваецца гібрыдная аперацыя са стымуляваным, штучным міграцыйным ціскам», і Польшча «падвяргаецца пастаянным нападам». Ён таксама лічыць, што гэта «частка расійскага плана дэстабілізацыі Еўропы, у прыватнасці ўсходняга фланга НАТА».
Цяпер чытаюць
Дзядок расказаў, як паводзіў бы сябе ў сённяшняй Беларусі і што будзе далей3
Каментары