Грамадства88

ГУБАЗіК паказаў двух затрыманых мінчукоў. Распавядаем, як іх адшукалі і як яны маглі б абараніцца

Аднаго з іх сілавікі вінавацяць у напісанні каментароў, а другога — ва ўдзеле ў пратэстах, «экстрэмісцкіх спасылках» і «рэгістрацыі ў плане «Перамога».

Мікалай Ліцвінаў і Яўген Равуцкі. Фота: старонкі «УКантакце» мужчын

Першага з мужчын клічуць Мікалай Ліцвінаў. Яму 43 гады, ён мае непаўналетніх сына і дачку. У відэа сілавікоў дэманструюцца яго каментары пад допісамі ў тэлеграм-каналах «Краіна для жыцця» і «Беларусь галаўнога мозга». Мужчыну змаглі адшукаць, хутчэй за ўсё, таму, што ў тэлеграме ён меў нікнэйм «Nik L», а ягоны акаўнт «б'ецца» па ягоным уласным нумары тэлефона.

Пра другога з затрыманых напісала «Вясна». Гэта 35-гадовы мінчук Яўген Равуцкі. Мужчына захапляецца страйкболам. Паведамляецца, што да яго прыйшлі праз тое, што ён «засвяціўся» на фота з пратэстаў, а пасля ў яго тэлефоне нібыта адшукалі актываваны бот плана «Перамога» і каментары ў тэлеграм-чатах. Жонка мужчыны, Ганна, каля 12 ліпеня таксама знікла з усіх сацсетак і тэлеграма — імаверна, яе таксама затрымалі.

Як яны маглі б абараніцца?

У кейсе Мікалая Ліцвінава важна было абараніць свой тэлеграм-акаўнт. Гэта значыць, па-першае, зарэгістраваць ананімны акаўнт (пра гэта ў нас ёсць гайд), а па-другое, выставіць у ім максімальныя налады прыватнасці і забараніць пошук па нумары тэлефона. Для гэтага зайдзіце ў «Налады», націснуўшы тры рыскі ў верхнім левым куце кліента.

Тры рыскі, якія «прывядуць» вас у «Налады», — у верхнім левым куце

Далей абярыце «Налады».

Меню тэлеграма. Тут націсніце «Налады» (апошні пункт на скрыншоце)

Пасля гэтага ўвайдзіце ў пункт «Прыватнасць і бяспека». Максімальныя налады бяспекі выглядаюць так.

Пункт «Прыватнасць і бяспека»

Пасля гэтага перайдзіце ў пункт «Нумар тэлефона». Пераканайцеся, што ў пункце «Хто можа знайсці мяне па нумары?» выстаўлены адказ «Мае кантакты». Пасля праверце, каго вы дадалі ў «Заўсёды дазваляць». Лепш увогуле нікому не паказваць ваш тэлефон, але яшчэ важней не паказваць яго выпадковым людзям.

Праверце, каб шукаць па нумары вас маглі толькі кантакты, а ў «выключэннях» не было лішніх людзей

З Яўгенам Равуцкім усё складаней. Ён патрапіў на фота з пратэстаў, якое дэманструюць сілавікі. У матэрыяле пра распазнаванне твараў мы распавядалі падрабязней пра тое, як шукаюць людзей. 

Іншая рэч — тое, што адшукалі ў ягоным тэлеграме ўжо пасля затрымання. У артыкуле пра надзейнае выдаленне інфармацыі з тэлеграма мы давалі парады пра тое, як можна пачысціць яго. А тут можна прачытаць пра тое, як надзейна пачысціць тэлеграм-боты, у якія вы пісалі. Калі вы хочаце ўсталяваць сабе «партызанскі тэлеграм», які дазваляе выдаліць «пратэсны» акаўнт, прачытайце інструкцыю ад «Кіберпартызанаў».

Бясплатныя кансультацыі па інфармацыйнай бяспецы прапануе ініцыятыва CyberBeaver.

«Наша Нiва» — бастыён беларушчыны

ПАДТРЫМАЦЬ

Каментары8

  • Карл
    18.07.2023
    Шчыра дзякую за карысную інфармацыю
  • Kotya
    18.07.2023
    Если вы где-то в других группах публиковали объявления и оставляли номер телефона, то могут тоже найти и скрытые настройки не спасут. Только полное удаление аккаунта. 
  • Freddy
    18.07.2023
    никогда не пользуйтесь телеграмом. 

Цяпер чытаюць

Стаў вядомы сапраўдны год заснавання Менска. Адкрыццё было вострасюжэтным навуковым дэтэктывам1

Стаў вядомы сапраўдны год заснавання Менска. Адкрыццё было вострасюжэтным навуковым дэтэктывам

Усе навіны →
Усе навіны

У ДТЗ у Воранаўскім раёне загінула аднагадовае дзіця

Славакія вяртае ў Беларусь пасла11

Распрацаваны першы за 50 гадоў антыбіётык супраць смяротнай супербактэрыі

У Маладзечанскім раёне прадаюць лецішча з марскога кантэйнера

Колькі каштуе пуцёўка ў беларускі санаторый — сума немалая2

Пяць пытанняў, якія застаюцца пасля смерці экс-выкладчыка БНТУ Шчукіна, што ўцякаў ад міліцыі45

Ротам камуніста Сыранкова зноў укідваецца ідэя адмяніць у Беларусі прэзідэнцкія выбары29

Келаг: На перамовах у Стамбуле будуць прадстаўнікі ЗША, Германіі, Вялікабрытаніі і Францыі3

У Нацыянальным мастацкім музеі адкрылася выстава, прысвечаная расійскім перамогам15

больш чытаных навін
больш лайканых навін

Стаў вядомы сапраўдны год заснавання Менска. Адкрыццё было вострасюжэтным навуковым дэтэктывам1

Стаў вядомы сапраўдны год заснавання Менска. Адкрыццё было вострасюжэтным навуковым дэтэктывам

Галоўнае
Усе навіны →

Заўвага:

 

 

 

 

Закрыць Паведаміць