КДБ папоўніў спіс «тэрарыстаў». Сярод іх — Залатых, Кавалькова і Дылеўскі
КДБ унёс у пералік арганізацый і фізічных асоб, якія маюць дачыненне да тэрарыстычнай дзейнасці, дзевяцярых чалавек. Абноўлены спіс апублікавалі на сайце Камітэта.
У пералік унесеныя:
- асуджаны да 4 гадоў калоніі дырэктар газеты «Беларусы і рынак» Канстанцін Залатых;
- Таццяна Курыліна, якая вярнулася ў Беларусь па праграме сілавікоў «Дарога дадому» і якую асудзілі да чатырох з паловай года калоніі;
- сябры Каардынацыйнай рады Марыя Мароз, Сяргей Дылеўскі і Вольга Кавалькова, якіх суд завочна прысудзіў да 12 гадоў калоніі;
- асуджаны на 3,5 года калоніі спартсмен і блогер Іван Котаў;
- асуджаны на 5 гадоў калоніі інжынер з Магілёва Уладзіслаў Купрыянаў;
- асуджаныя па артыкуле аб распальванні варожасці (артыкул 130 КК) Аляксей Прохараў і Вадзім Саскавец.
Каментары