Школьнікаў на канікулах возяць па вайсковых часцях — вучаць кідаць гранаты і збіраць зброю
З пачатку летніх канікул больш за 10 тысяч школьнікаў наведалі вайсковыя часці Узброеных сіл.
Фота: вайсковая часць
Мерапрыемствы арганізаваныя ў рамках «вайскова-патрыятычнага выхавання падрастаючага пакалення», пішуць «Мінск-Навіны» са спасылкай на прэс-службу Міністэрства абароны. Для дзяцей праводзяцца экскурсіі, паказальныя заняткі, спартыўныя гульні і іншыя актыўнасці. Школьнікі праводзяць час на вайскова-палявых зборах і ў вайскова-патрыятычных лагерах.
Вайскоўцы 2-га дывізіёна і каманднага пункта 1-й групы дывізіёнаў 15-й зенітнай ракетнай брыгады правялі вайскова-патрыятычную гульню «Зарнічка» з навучэнцамі Чачкоўскай сярэдняй школы.
Фота: вайсковая часць
У праграму ўваходзіла кіданне гранат, поўзанне па-пластунску пад маскіровачнай сеткай, разборка і зборка зброі і іншае.
Памерла палітзняволеная Алена Панкова. Паўгода назад яе асудзілі за ўдзел у пратэстах7
Каментары