ФСБ РФ прывезла ў акупаваны Мелітопаль Запарожскай вобласці атрады прафесійных «кратоў». Яны будуць дапамагаць у паляванні на патрыётаў і партызанаў.
«ФСБ завезла ў Мелітопаль атрады навучаных шпіёнаў», — распавёў украінскі мэр горада Іван Фёдараў.
Пра тое, што ў горадзе можна спакойна выказваць сваё меркаванне, гаворка не ідзе ўжо даўно, напісаў Фёдараў.
«А цяпер яшчэ ў розных раёнах горада спецыяльна навучаныя «нелюдзі» вышукваюць патрыятычна настроеных грамадзян», — дадаў ён.
«З якой мэтай гэта робіцца і што можа чакаць нашых людзей, застаецца толькі здагадвацца», — канстатаваў мэр Мелітопаля.
Апошнім часам расіяне актывізавалі пошук партызанаў і падпольшчыкаў у акупаваным горадзе, які быў захоплены РФ у першыя дні ўварвання ў сакавіку 2022 года. Так, яны пачалі развешваць па горадзе відэакамеры, а таксама працягваюць выкрадаць цывільных у пошуках «тэрарыстаў» і партызанаў, піша «РБК-Украіна».
Каментары