На мяжы з Расіяй перакопваюць і завальваюць дрэвамі прасёлкавыя дарогі
Пра тое, што прасёлачныя дарогі на памежжы з Расіяй на тэрыторыі Магілёўскай вобласці пачалі рабіць цяжкапераадольнымі, паведамляе выданне «Магілёў.Online».
Гэта адбываецца на фоне ўвядзення пашпартнага кантролю на мяжы для ўсіх грамадзян, якія прыбываюць у Беларусь з Расіі. Такі кантроль пачаўся 5 мая, хутка пасля серыі дыверсій на чыгуначных шляхах у Бранскай вобласці.
Шматлікія СМІ паведамлялі пра ўзнікненне доўгіх чэргаў з аўтамашын на расійскім баку мяжы. Цяпер жа, магчыма, вырашана перакрыць альтэрнатыўныя шляхі пранікнення ў Беларусь з тэрыторыі Расіі.
Прасёлкавымі дарогамі на памежжы пераважна карыстаюцца мясцовыя жыхары, а таксама кантрабандысты.
Вечарам 9 мая стала з'яўляцца інфармацыя пра чэргі і з адваротнага боку мяжы. Так, «Фонтанка» піша пра чэргі з аўтамабіляў на 4—5 гадзін на трасе з Віцебска праз прапускны пункт «Лабок». «Стаю больш за 4 гадзіны — паведаміў выданню адзін з аўтамабілістаў — наперадзе бачная мяжа, белы знак, КПП і за ім 100 метраў прыкладна. Гэта значыць, мяркуючы па колькасці машын наперадзе, яшчэ паўтары-дзве гадзіны стаяць».
Брэндавая сумачка за $4 тысячы і брыльянты. Віцэ-міс Беларусі Алія Кароткая схадзіла з сяброўкай паесці дранікаў7
Брэндавая сумачка за $4 тысячы і брыльянты. Віцэ-міс Беларусі Алія Кароткая схадзіла з сяброўкай паесці дранікаў
На Афоне адшукалі тры невядомыя раней асобнікі Астрожскай Бібліі. Для яе стварэння друкар Іван Фёдараў, выхадзец з Беларусі, выкарыстоўваў тэксты Скарыны66
Каментары