Для заняткаў падводным паляваннем або дайвінгам як хобі знайсці прыдатныя месцы ў азёрнай Беларусі няпроста. Але некалькі такіх месцаў усё ж ёсць, расказаў у эфіры выдання «Смартпрэс» кіраўнік Беларускай федэрацыі падводнага спорту Вячаслаў Рамановіч.
Паводле Рамановіча, для падводнага палявання выбар сярод беларускіх вадаёмаў зусім невялікі, бо тут дзейнічаюць дзяржаўныя забароны. Такіх месцаў, дзе гэта дазвалялася б, цяпер стала зусім няшмат.
Што тычыцца таго, каб проста паныраць і паздымаць падводны свет, то тут забаронаў няма, але трэба, каб у вадаёме была добрая бачнасць, якую аматары дайвінгу называюць «прозракам». І пажадана, каб быў яркі падводны антураж.
І тут, паводле лідара беларускіх дайвераў, без канкурэнцыі возера Доўгае ў Глыбоцкім раёне. Яно мала таго што самае глыбокае ў Беларусі (максімальная глыбіня 53,7 м), дык і дастаткова празрыстае.
Таксама ў Віцебскай вобласць ёсць і яшчэ даволі вялікая колькасць азёр, якія маюць прыгожы падводны свет. Гэта, паводле Вячаслава Рамановіча, Блакітныя азёры (група азёраў на сутыку Віцебскай, Гродзенскай і Мінскай абласцей), Ушацкая група, вадаёмы ў Глыбоцкім і Полацкім раёнах.
Цяпер чытаюць
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу5
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары