Гэтай ноччу былі выбухі і на вайсковым аэрадроме ў Бранскай вобласці
Беспілотнікі УСУ атакавалі вайсковы аэрадром у Бранскай вобласці ў ноч на 3 мая, піша Baza.
Паводле выдання, у выніку атакі невялікія пашкоджанні атрымаў неэксплуатаваны Ан-124. Пацярпелых няма.
Паводле папярэдніх звестак, у атацы ўдзельнічала 5 БПЛА. Два з іх былі знішчаныя са стралковай зброі, яшчэ два выбухнулі на тэрыторыі аэрадрома. Яшчэ адзін беспілотнік знойдзены не быў.
Таксама сёння ноччу беспілотнік атакаваў рэзервуар з палівам у Краснадарскім краі Расіі.
Напярэдадні, 2 мая, у Бранскай вобласці адбылася ўжо другая паспяховая дыверсія на чыгунцы, у выніку якой сышоў з рэек цягнік з нафтапрадуктамі.
1 мая ў Бранскай вобласці пусцілі пад адхон беларускі цягнік з нафтапрадуктамі і піламатэрыяламі.
Цяпер чытаюць
Начальнік міліцыі Брагіна страляў у сваю жонку. Яна цудам выжыла5
Каментары