Псеўдаспецназаўца Заслаўскага-Аўтуховіча перазатрымалі на 15 сутак. Магчымая крымінальная справа
На мінулым тыдні мы расказвалі трагікамічную гісторыю, як па мінскіх уладных калідорах пад выглядам маёра ўнутраных войскаў гастраляваў шматразова судзімы Сяргей Аўтуховіч. Пад маркай «за бацьку!» ён стаў уваходзіць да топ-чыноўнікаў, але за рэпост «экстрэмісцкіх матэрыялаў» атрымаў суткі. Гісторыя атрымлівае працяг.
Сяргей Аўтуховіч-Заслаўскі — псеўдаспецназавец і псеўдачэмпіён у цяжкай атлетыцы.
У рэальнасці, шматразова судзімы за разбоі, ён змог пралезці ў намеснікі да Дзмітрыя Паўлічэнкі ў Асацыяцыі ветэранаў спецназа і зрабіць сабе бліскучую рэпутацыю ў дзяржаўных органах. Апроч падстаўной формы, у яго быў толькі адзін аргумент — пазіцыя «за Лукашэнку».
Пасля таго, як гэты чалавек выпадкова трапіў на Акрэсціна за рэпост артыкула пра сябе самога з нейкага «экстрэмісцкага» па версіі лукашыстаў рэсурсу, журналістам сталі вядомыя сапраўдныя дэталі яго біяграфіі.
І, як стала вядома «Нашай Ніве», Сяргей Аўтуховіч перазатрыманы па адміністратыўцы і застаецца на Акрэсціна. Дакладны артыкул нам невядомы.
Імаверна, для «ябацькі лейтэнанта Шміта» усё можа скончыцца горай, чым проста суткамі.
«Наколькі я разумею, першы час ён сам напрошваўся са сваімі семінарамі і лекцыямі да вайскоўцаў і міліцыянераў, каб сабраць партфоліа.
Але дакладна вядома, што наступны крок — запыт бюджэтных сродкаў для працягу такой «важнай» і ацэненай граматамі міністэрстваў дзейнасці, на праект «За моцную Беларусь». Ён дзяліўся такімі планамі з сілавікамі, але падрабязна гэта абмяркоўваў, па логіцы, з цывільнымі чыноўнікамі, якія маглі б знайсці на гэта бюджэт, бо ў вайскоўцаў яго не было.
І ў гэтым заключаецца прынцыповы момант. Калі ён проста дурыў чыноўнікаў, то абыдзецца адміністратыўкамі за неправамернае нашэнне форменнага адзення, а таксама, я думаю, за дыскрэдытацыю нашых дзеячаў МУС, якія з ім фоткаліся — артыкулы тут могуць быць любыя. А вось калі ён атрымаў грошы ад дзяржавы на сваю «За моцную Беларусь» — гэта крыміналка», — разважае суразмоўца, знаёмы з сітуацыяй.
«Наша Нiва» — бастыён беларушчыны
ПАДТРЫМАЦЬЦяпер чытаюць
Пратэжэ лукашэнкаўскага фаварыта Баскава будуе акадэмію ў Бразіліі і Нью-Васюкі сусветнага маштабу8
Каментары