Сын прапагандыста Салаўёва жыве ў Лондане. Яго бацька заклікаў бамбіць горад
У інтэрнэце ўсплыло новае фота Данііла Салаўёва, аднаго з васьмі дзяцей вядомага расійскага прапагандыста Уладзіміра Салаўёва. На здымку 22-гадовы Данііл пазіруе з макіяжам і манікюрам.
Карыстальнікі Twitter пажартавалі, што ён мог падпісаць кантракт з мадэльным агенцтвам. Пост стаў вірусным, піша выданне focus.ua.
«Сын Уладзіміра Салаўёва Данііл Салаўёў распавёў, што пакуль не можа падпісаць кантракт з Міністэрствам абароны Расіі і адправіцца на абарону Данбаса, бо ў яго ўжо падпісаны кантракт з лонданскім мадэльным агенцтвам», — сказана ў гумарыстычным твіце. Ён з'явіўся на фоне заяў Салаўёва-старэйшага пра тое, што на вайну ва Украіне трэба адпраўляць салдат тэрміновай службы.
Тэлевядучы таксама вядомы сваімі рэзкімі заявамі супраць ЕС і ЗША, таксама на сваім шоу ён заклікаў ударыць па еўрапейскіх сталіцах ракетамі. «Берлін, Парыж, Лондан і Брусель гатовыя гарэць ад удараў нашых ракет? А калі спатрэбіцца — ад выкарыстання тактычнай ядзернай зброі?» — пытаўся Салаўёў у эфіры.
Фота Данііла Салаўёва, якое разышлося па сетцы, было зроблена ў рамках рэкламнай кампаніі салона прыгажосці «Кантора Уладзіслава Лісаўца». Салон папулярны сярод расійскага бамонду, сярод яго кліентак — Крысціна Арбакайце.
Ва Уладзіміра Салаўёва васьмёра дзяцей, у тым ліку яшчэ два сыны прызыўнога ўзросту, але яны, як відаць, на фронт не спяшаюцца.
Данііл — сын Салаўёва ад яго трэцяга шлюбу з мадэллю Эльгай Сэп, дачкой гумарыста Віктара Каклюшкіна. Пра яго вядома толькі тое, што ён скончыў прэстыжную Ламаносаўскую школу ў Маскве.
Пра 34-гадовага Аляксандра Салаўёва, сына вядучага ад першага шлюбу, вядома больш: ён з 18 гадоў вучыўся ў Лондане на рэжысёра. У Расіі Аляксандр Салаўёў здымае рэкламныя ролікі. У прыватнасці, ён здымаў рэкламу для дзяржаўнага Сбербанка.
Цяпер чытаюць
Дык усё ж ці бяспечны Telegram і для якіх мэтаў бяспечны? Вось што ясна на сёння19
Дык усё ж ці бяспечны Telegram і для якіх мэтаў бяспечны? Вось што ясна на сёння
«Вайна ўсё спіша». Беларускім удзельнікам гей-прайда ў Вільні пагражалі расправай ад імя беларускіх ваяроў за выкарыстанне бела-чырвона-белага сцяга219219
Каментары
кто с них больший патриот
но никто из них в акопы
Не полезет, не пойдёт
Кто на скрипочке играет
кто всем песенки поёт
но служивших не бывает
да и возраст уж не тот
А детишки тоже вроде
Не служили и пока
Кто моделью где-то "служит"
Кто фанфары протирал
Так кричали патриоты
весь эфир слюна мела
Как закончилися съёмки
Сразу в бары да в дела
Посмотрев эфир Иван
Матом кроет их уста
Почему он рвёт за этих
Свои мягкие места