Уключэнне гістарычнага помніка ў спіс адбылося згодна з афіцыйна апублікаванай пастановай Міністэрства культуры Беларусі № 85 ад 2 лістапада. Дакумент размешчаны на Нацыянальным прававым партале, піша «Рэгіянальная газета».
У зону аховы нерухомай матэрыяльнай гісторыка-культурнай каштоўнасці трапляюць вадаём, рэшткі дзвюх капліц і царква ў Ручыцы (былы маёнтак Ганута).
Адзін з самых велічных маёнткаў Вілейшчыны ў Гануце (сёння вёска Ручыца) пабудаваў у 1765 годзе архітэктар з Італіі. Яго запрасіў тагачасны гаспадар Тадэвуш Агінскі. А сядзіба Ганута была ўвогуле вядомая ад пачатку XVI стагоддзя. Маёнтак, пабудаваны ў 1765-м, складаўся з палаца і гаспадарчых пабудоў.
Сёння пра былую веліч нагадвае напаўразбураная капліца, а таксама рэшткі бровара і панскага млына. На месцы палаца — зарослы ўзгорак.
Кампазітар і дыпламат Міхал Клеафас Агінскі стаў гаспадаром маёнтка ў 1814 годзе, атрымаўшы Гануту ў спадчыну ад сваякоў. Апошнім уладальнікам Гануты быў род Валовічаў.
Маёнтак значна пацярпеў у Першую сусветную, але быў адноўлены. Канчаткова Гануту знішчылі ў 1943 годзе. Тады знішчалі шматлікія панскія сядзібы.
Увосень 2020 года адзін са слупоў капліцы XVIII стагоддзя рухнуў. Тады ж у Вілейскім райвыканкаме журналісту «Рэгіянальнай газеты» паведамілі, што будуць шукаць грошы, каб умацаваць дах, бо маглі зваліцца астатнія слупы капліцы. А яшчэ — дабівацца, каб зрабіць ахоўную зону, бо без гэтага былі немагчымыя праектныя работы.
Чытайце таксама:
На месцы былога маёнтка Агінскіх знайшлі старыя цаглінкі са слядамі сабакі і ката
Вілейскі райвыканкам пра разбураную капліцу: Яшчэ не ўсё страчана. Будзем умацоўваць дах
Цяпер чытаюць
Дачка суддзі, якая жыўцом згарэла ў судзе ў Слуцку ў 1967-м, расказала, як склалася жыццё іх сям’і пасля гучнай трагедыі10
Каментары