Грамадства11

Стала вядома пра смерць яшчэ аднаго беларуса-добраахвотніка

Алег Панамароў загінуў 7 ліпеня, але пра смерць гэтага беларуса стала вядома толькі цяпер, піша «Радыё Свабода».

Алег «Хмуры» Панамароў (на фота другі спераду)

Мужчына прыехаў ваяваць ва Украіну яшчэ ў 2014 годзе. Спачатку служыў у батальёнах «Шахтарск» і «Карпацкая Сеч». Браў удзел у баявых дзеяннях ля шахты «Бутаўка» і ў Пясках на ўсходзе Украіны.

Панамароў нарадзіўся ў Харкаўскай вобласці Украіны, але ягоныя бацькі разышліся, і маці з дзецьмі паехала на сваю радзіму, у Магілёў.

Алег Панамароў быў грамадзянінам Беларусі, украінскае грамадзянства змог атрымаць у 2017 годзе. У Беларусі хлопец працаваў арматуршчыкам на заводзе.

«Ён вельмі хацеў дапамагчы Украіне. Ён разумеў, што Расія прыцясняе ягоную радзіму. Сачыў за Майданам, а калі пачалася вайна, то не змог заставацца ўбаку», — кажа пабрацім Алега Панамарова Астап.

Першым пазыўным Алега быў Артэга, так ён назваўся ў гонар іспанскага філосафа Хасэ Артэгі-і-Гасэта. Потым стаў Катом. Апошнім часам меў пазыўны Хмуры.

Алег Панамароў служыў намеснікам камандзіра баявой машыны, наводчыкам-аператарам штурмавога ўзвода штурмавой роты ў батальёне «Айдар». Загінуў беларус пасля прамога пападання снарада ў акоп, дзе ён знаходзіўся. Гэта адбылося ля вёскі Паўлаўка Данецкай вобласці.

Пахавалі Хмурага ва Ужгарадзе, на самым захадзе Украіны, у Закарпацці. Такое месца пахавання выбралі таму, што ва Ужгарадзе жыве пабрацім Панамарова Астап, які займаўся пахаваннем.

«Алег жыў у Краматорску Данецкай вобласці, але яму вельмі падабаліся Карпаты. Марыў калісьці пераехаць сюды жыць», — кажа Астап.

Пахавалі Алега Панамарова пад бел-чырвона-белым сцягам.

«Для яго гэта было вельмі важна. Ён заўсёды меў пры сабе шаўрон з Пагоняй. Гаварыў: калі разбяромся з Расіяй тут, то пойдзем вызваляць Беларусь».

Беларускаму добраахвотніку было 30 гадоў. Гэта 17-я вядомая смерць беларусаў ва Украіне.

Каментары1

  • Грышка
    23.12.2022
    Няхай спачывае зь мірам і ўваскрэсьне ў славе. Вечная яму памяць.

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Усе навіны →
Усе навіны

На Кіпры п’яны расіянін прычапіўся да п’янай украінкі. Яе спадарожнікі збілі яго на горкі яблык — можа страціць вока35

«Не можаш ваяваць — дапамагай. Не можаш дапамагаць — не трындзі»: маладая беларуска далучылася да УСУ ў 2026‑м і ваюе дроншчыцай26

Памёр адзін з акцёраў-блізнюкоў з папулярнага фільма «Нянькі»1

Самыя папулярныя браўзеры, сацсеткі і ШІ-пошукавікі ў Беларусі11

Выйшла кніга пра Зянона Пазняка. Яе рыхтавалі больш за 10 гадоў17

Былы расійскі губернатар Гладкоў адмовіўся ад канала з 400 тысячамі падпісчыкаў. У Крамлі былі незадаволеныя яго актыўнасцю

Беларусы незадаволеныя канцэртам «Тату» ў Мінску — бо артысткі спявалі не на рускай мове28

Арына Сабаленка, падобна, нецэнзурна выказалася ў бок украінскай тэнісісткі пасля сваёй паразы37

Дэталі аварыі на Міншчыне, дзе загінулі трое: 21‑гадовага кіроўцу пазбавілі правоў — але рашэнне не паспела ўступіць у сілу

больш чытаных навін
больш лайканых навін

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Галоўнае
Усе навіны →

Заўвага:

 

 

 

 

Закрыць Паведаміць