Сілавікі Беларусі гатовыя да любых спробаў сілавога звяржэння ўлады ў краіне. Пра гэта ў інтэрв'ю на АНТ распавёў намеснік міністра ўнутраных спраў — камандуючы ўнутранымі войскамі Беларусі Мікалай Карпянкоў.
«Мы памятаем добра 2020 год. На гэты момант мы бачым, што ўнутраная сітуацыя знаходзіцца пад поўным кантролем. Вядома, насцярожваюць, напружваюць знешнія контуры. Мы бачым, як развіваецца «ваенная спецаперацыя» [вайна ва Украіне — НН], якія на фоне гэтага гучаць заявы тых неанацыстаў, якія ўцяклі і знаходзяцца там. Якія яны выбудоўваюць планы па сілавым звяржэнні дзеючай улады. Мы бачым натаўскія войскі, якія знаходзяцца на мяжы. Вядома, гэта нас турбуе.
Унутраныя войскі — асноўная ўдарная сіла Міністэрства ўнутраных спраў. Ну і, вядома, мы ўбудаваны ў сістэму нацыянальнай бяспекі. Хачу сказаць, што для таго, каб не было ў нас яшчэ аднаго 2020 года, будзем глядзець, што адбываецца ў нашых суседзяў. Хто спрабуе сказаць, што нам нанясуць удар, што ёсць план «Перамога», мы адкажам самым дэмакратычным спосабам, які мы назіраем, які ёсць у нашых суседзяў. Хай будуць да гэтага гатовыя», — заявіў Карпянкоў.
Завадчанін Ігар, які вяртаўся дадому бухім, упершыню ў жыцці едзе за мяжу. А яшчэ ён халасты7
Каментары